Berdintasuna aldarrikatzeko marketin biral kanpaina
Berdintasun Politiken Nazioarteko Berrikuntza Zentroak marketin kanpaina jarri du abian: pegatinak eta errotulagailua bidaltzen dizkizute etxera, eta zuk berdintasun gabezia dagoela uste duzun tokian uzten duzu zure mezua.
Kanpainan parte hartzea erraza da:
- Berdintasuna.com webgunean eskatu dezakzeu zure Berdintasun kit-a. Pare bat egunean zure buzoian jasoko duzu. Pack horretan datoz hainbat pegatina, eta errotulagailu bat.
- Berdintasun gabezia toki fisiko batean detektatzen baduzu, pegatina horietako batean idatzi zure gogoeta.
- Argazkia atera eta bidali.
Proba egin dugu kit horren eskaera egiten: eskatu eta bi egunera jaso dugu kit hori buzoian:
Argazkiak.org | Berdintasun kit-a © cc-by-sa: sustatu
Pegatinaren marrazkiak oin-urrats itxura du, eta ildo horretatik doa kanpainaren leloa: "Emakume eta gizonen arteko berdintasun erreala lortzeko urrats asko eman behar ditugu oraindik ere". Kanpaina honetan argazki bakoitzak "urrats bat" irudikatzen du, hortaz.
Pegatina horiek jar ditzazkezu nahi duzun tokian: kontua da berdintasunerako urrats bat non falta den begibistan jartzea. Sarrerako irudian ikusten diren bi horiek, adibidez, zera diote:
- "Tapa irekitzeak ni ere izorratzen nau"
- "Emakumeen omenez izendaturiko zenbat kale ezagutzen dituzu?"
CIINPI Berdintasun Politiken Nazioarteko Berrikuntza Zentroaren ekimena da; Espainiako Osasun, Gizarte-politika eta Berdintasun Ministerioaren dirulaguntza jaso du eta Breaking Molds agentziak garatu du. Kanpaina Twitterren eta Facebooken ere badago.
Erantzun
Sartu