Behi genetikoki eraldatuek giza-esnea ematea lortu dute. Tira, emakumearen esnearen ezaugarriak errepikatzen dituen esnea da, izatez. Hona albistea egunkari batean.
Behi arruntak, ez genetikoki eraldatuak: CC Aitortu © cc-by: Iain McDonald
Gogora datorkigu Arthur C. Clarke idazlearen zientzia-fikziozko ipuin zoragarria, The Food of the Gods. Enpresa batek haragi artifizial mota berezi bat sortzen du, Ambrosia Plus izenekoa, eta sekulako arrakasta komertziala dauka. Hala ere, halako batean, zalantza etikoak sortzen dira okela horren inguruan...
Gehiago esan beharra dago ulertzeko?
Ezagun batek behin kontatutakoaren arabera, Bartzelonako egunkari bateko iragarki laburretan "lactancia viciosa" eskaintzen zuten. Orain, transgeniak hilko du inude izarra?