Su-etenaren "egiaztatze informalaz" dihardute atzodanik hedabide eta komentaristek. Baina ez da hori zehazki ETAk proposatutakoa bere azken agirian, baizik eta "egiaztatzeko mekanismo informala":
Frantzia eta Espainiako gobernuen aitortza ofizialik ez izan arren, ETA prest dago egiaztatze mekanismo informal bat onartzeko.
Agiria atzo goizean ezagutarazi zen, Gara egunkarian, euskaraz. Webgunea ez zuten berritu arratsaldera arte, eta hortaz, lehen erreferentziak izan ziren euskaraz paperetik irakurri eta hura kontatu zutenak. EITBk laburbildu zuen agiria, eta egiaztatze informalarena nabarmendu zuten:
Ondoren etorri dira iruzkinak, zer ote den hori...
Egiazki, "mekanismo informala" da ETAk agirian proposatzen duena, eta ematen du, gainera, mekanismo informal hori proposatzen dutela, metodo formalagoa, Espainiako eta Frantziako estatuaren egiaztatze aktiboa izango lukeena, baztertu egin dutelako estatu horiek: gobernuen aitortza ofizialik ez izan arren.... ETAk deitoratu egiten du Estatuek eskaintzari uko egitea. Alegia, badirudi estatuen partaidetzarekin egin zitekeen egiaztatze "formal" bat nahi zuela. Eta hortaz, estatuen partaidetza hori barik, beste mekanismo horrek aurrera egin dezakeela proposatzen du ETAk:
ETAk uste du egingarria dela eta nazioarteko egiaztatze batzordea sortu daitekeela.
Nolanahi ere, Garak berak ere agiriaren gaineko analisia erdaraz ematerakoan egiaztatze "ez formalaren" kontuan geratu dira:
Bista da ez dela berdina "egiaztatze informala" eta "egiaztatzeko mekanismo informala", baina hedabide eta komentarista batzuk eta abertzalea omen den alderdi bat ere kontu berdinarekin dabiltza. Helburu garbia eta amankomuna dute guztiak ( Aralarrek barne) nire ustez: ezker abertzaleak egindakoa urratsak gutxietsi, balioa kendu eta pelota ezker abertzalearen gainera bota bere ekimen politikoa indargabetzeko ( eta ezker abertzalearen kontrako errepresioa "de facto" areagotzeko edo areagotzeko ondorioarekin behintzat).
ETAk azken batean agiri horrekin funtsean nire ustez hau esaten du: ETA pakean dago Estatua gerran (berez, pakearen aldeko ekimenak Estatuaren bilorentziari egiten dio erreferentzia).
ETAk bakearen aldeko apustua berresteaz gain, bakarkako urratsa eman eta gehiago emateko borondatea agertzen du:egiaztatzeko mekanismo informala. Bai, informala ezinbestean. Ez formala da , baina ez zuzena, serio ez delako, baizik eta estatuak ez duelako onartzen eta onartu ezean ohiko formak zaintzen ez dituelako. Informala bai baina zilegia, eta baleokoa eskaintzen du.Ai! hain formala balitz hainbat politikari ez luke horrelako txorradarik esango.