Teknologia albisteak

Auto-mendateak Llodion

eli

2011-03-08 : 09:03

Argazkiak.org | eitb.com © cc-by-sa: elilaztan

Ez dakit eitb.com guneko trafikoaren berriak gizaki batek edo robot batek idazten dituen, baina nabarmen uzten du A ereduan programatu zutela.

"Mendateak" gertatzen ari dira gaur N634 errepidean? Ez dira bada "auto-ilarak" izango?

Laudio non dagoen ere ez daki, antza. Txikitako lagun bat ekarri dit gogora: hark behin esan zidanez,itsas-belarrak oso onak dira azalarentzat "llodio" asko dutelako.

Argazkiak.org | eitb.com3 © cc-by-sa: elilaztan

Erantzunak

Gari Araolaza

2011-03-08 : 11:47

Honen aitzakian komentatu nahi nuke, uste dudala trafiko informazioa zehatza ez bada ez duela askorako balio.

Hau da, irratian esaten badute "Istripua N-634-an Eibar parean, kilometro bateko ilara", ez dit askorako balio.

Urrun baldin banago, ez zait asko axola.

Bertara joan behar badut, komeni zait jakitea Eibarko zein puntu zehatzetan den istripua, erabakiak horren arabera hartzeko. Adibidez, A-8-an banator eta irratiz entzun badut abisu hori, Ermuan edo Elgoibarren atera ninteke autobidetik, istripu hori saihesteko.

Eta informazio hori normalean ez da ematen. Orduan, norentzat da trafiko informazio hori?

eli

2011-03-08 : 16:28

Oraintxe konturatu naiz. "Mendateak" jarri duenak "metaketak" jarri nahiko zuen. Jarri nahi, eta ezin, nonbait.