Teknologia albisteak

Haserretu zaitezte! liburu berria

Erabiltzailearen aurpegia
Enrique Hualde
2011-03-06 : 12:03

Stéphane Hesselen Indignez-vous ! liburua denonartean argitaletxeak euskaraz plazaratu du. «93 urte. Amaiera ez dago oso urrun. Zorte handia da hori profitatu ahal izatea gogora ekartzeko nire konpromiso politikoaren oinarria izan dena, hots, Erresistentziaren Kon­tseilu Nazionalak orain dela hirurogeita sei urte osatutako programa!» Zorte handia dugu Buchenwaldeko eta Dorako eremuetatik onik irten eta 1948ko Giza Eskubideen Deklarazio Unibertsalaren erre­­­­daktore izan ostean Frantziako Enbaxadore eta Ohorezko Legioaren Komendadore izendatua izandako Erresistentziako kide aparta honen eskarmentuaz elikatzen ahal izateagatik!

Stéphane Hesselen aburuz, «Erresistentziaren funtsezko arrazoia haserrea izan zen». Egia da, gaur egungo mundu konplexu honetan haserretzeko arrazoiak ilunagoak irudituko zaiz­kigu apika, nazismoaren garaian baino. Baina, «bilatu, aurkituko duzue-eta»: arras pobre direnen eta arras aberats direnen arteko alde gero eta handiagoa, Lurraren egoera, paperik gabekoei, etorkinei eta ijito errumaniarrei ematen zaien tratua, «beti gehiago» lortzeko lasterketa, lehia, finantza-merkatuen diktadura bai eta Erresistentziaren lorpenak (erretretak, Gizarte Segurantza...) merke saldu izana ere...

Eraginkorra izateko, orain, iraganean bezala, sarean aritu behar da: horren adibide dira Attac, Amnesty International, Giza Eskubideen Nazioarteko Federazioa eta enparauak.

Beraz, Stéphane Hesseli sinetsi ahal diogu, eta orpoz orpo jarraitu, «matxinada baketsu baten alde» deia egiten duenean.

Sylvie Crossman


Argazkiak.org | Haserretu zaitezte! © cc-by-sa: sustatu

Erantzun

Twitter ikonoa  Facebook ikonoa  Sartu