Bizikletak hirietan
Bilboko udalaren AGENDA 21 erakundeak zerbitzu berri bat ipini du Bilboko kaleetan. Zerbitzu honen bidez bizikletak maileguan hartzeko aukera izango dugu. Bilboko kaleetan 19 puntu jarri dituzte bizikletak jasotzeko eta uzteko, Puntu bakoitzean ainguraleku elektronikoak daude eta sistemak badaki nork jaso duen bizikleta bat, non hartu duen eta non utzi duen.
Beste hirietan sistema hau erabiltzen dute dagoeneko, adibidez Donostian. Bilbon, berriz, zerbitzu berri honek aste bat bakarrik dauka. Nik erabiltzeko txartela bat jaso dut eta bizpahiru aldiz erabili dut. Oraindik sistema ez da 100% operatiboa baina egunez egun hobetuz doa.
Lehen Bilbon bazegoen bizikletak maileguan uzteko zerbitzu bat baina ez zen batere erosoa, bizikleta bat hartzeko Arriagako bulegora edo kiroldegietara joan behar zenuelako izena emateko. Sistema hura ez zen garraio publikoaren alternatiba erabilgarria, baina orain bai. Orain bizikleta bat hartu eta utzi ahal izango dugu era azkarragoan. Jende askok pentsatzen hasi du bizikleta autoa baino erosoagoa eta merkeagoa dela hirian mugitzeko.
Erantzunak
Bizikleta hauek bilbotarroi zenbat kostako zaizkigun jakin nahiko nuke. Baita zein izango den kudeaketaz arduratuko den enpresa ere, etab. Espero ez izatea beste hiri batzuetan bezala Clear Channel edo JC Decaux publizitatearen multinazionalak. Ingurugiroaren izenean negozioa eginez bertako denda eta tailer txikiei izugarrizko kaltea egin dietenak.Eta erabiltzaileen artean bizikleten mantenua bultzatu beharrean axolagabekeria zabaldu dutenak.
Beste hiri batzuetan emaitzak ez dira oso onak izan. Erabiltzaile aldetik agian bai, prentsari begira ehunka edo milaka, zifra politak. Baina eraginkortasun eta kostu aldetik izugarrizko astakeria izan dira askotan.
Hemen horren inguruko zenbait link:
http://www.terra.org/articulos/art02110.html
http://www.enciclika.com/blog/?p=7362
http://www.enciclika.com/blog/?p=3551
Bide batez, hobe zuen Bilboko Udalak bizikleten erabilera sustatzeko benetako neurriak hartu: bidegorri sarea tajuz amaitu, kaleetan kotxeei espazioa gutxitu, kotxeen abiadura jeisteko neurriak hartu, aparkalekuak jarri, Bilbo inguruko herriekin lotuko duen errepide sare seguruak bultzatu Supersur etabarren gainetik....Eta mentalitatea aldatu. Nahikoa da Bilboko Udalaren webguneko "garraioak" sailean begiratzea. honi buruzko informazioa topatzea espero nuen. Baina ezer ez...Normala, inork pentsatzen al du bada Udalean, bizikletak hirian mugitzeko bakliagarriak izan daitezkeela?
Zumaian duela ia bi urte jarri zen abian zerbitzua, eta arrakasta handia izan du, herritar askok erabiltzen dute, batez ere udan.