Nire ametsetako Euskal Herri independentea
Benga, izan gaitezen baikorrak. Argi dago independentziarantz goazela. Herri honek aprobetxatuko du Luistxoren window of opportunity famatu hura, eta lortu egingo dugu, baietz ba! Imajinatzen duzue Euskal Herria, oso-osoa, independentea, Frantzia eta Espainiako estatu tamalgarrietatik aske? Polita, ezta? Bueno, agian ez hain polita...
Argazkiak.org | Euskal Herria independientea © cc-by-sa: sustatu
... izan ere, jarriko al ginen ados gure estatu jaio berriari izena, bandera, hiriburua edota ereserkia ezartzean? Zelako sesioak egongo ziren! Ez badakigu ezta zenbat herrialde garen ere! Errepublika izango ginen, ala Pedro horri deitu eta Nafarroako erresuma berreskuratu? Gernikako arbola izango zen gure ereserkia? Eusko Gudariak? Asisko Urmenetari behin entzun nion gure armarrietatik ia gauza guztiak kendu beharko genituzkeela. Uff, pentsatze hutsak nagi itzela sortarazten dit.
Nik, umore apur batez, proposamen bat egingo dizuet, independentziak ez gaitzan prestatu gabe harrapa. Etxea teilatutik hastea dela esango didazue, eta egia da. Eta zer?
Hauxe da nire tesiaren abiapuntua: gure historia eta tradizioari kasu eginez gero, akabo! Guda zibila piztuko genuen atoan. Beraz: estatu berria = ezaugarri berri eta modernoak.
Nire ametsetako Euskal Herria
Hona hemen nire ametsetako Euskal Herria, ea zer deritzozuen:
- Estatuaren izena: Euskal Herria.
- Hizkuntza ofiziala: Euskara. Kitto. Honaino tradizioari uzten diodan tartea: Hemendik aurrera, gora Euskal Herri berria!
- Hiriburua: Iruñea? Gasteiz? Baiona? Ez ba!: Petilla de Aragon. Izan ere, politikariak, zenbat eta urrunago, hobe.
- Egitura politikoa: Errepublika anarkiko-ekologista. Politikariek pentsa dezatela hori zelan gauzatzen den, nik ez dakit-eta.
- Zenbat herrialde: 3?, 4?, 6?, 7? Ez duzue uste 3 milioi biztanle duen herri batean egitura administratibo larregi ditugula? Udalerriak, udalerrien mankomunitateak, kantonamenduak, Foru Aldundiak, gobernu zentralak... Hau erraztu beharra dago. Fuera herrialdeak! Akabo probintziakeriak! Udalerriak eta gobernu zentrala, nahikoa. Hori bai, udalerri guzti-guztiek izango lukete autodeterminazio eskubidea, edozein momentutan Espainia, Frantzia edo beste estatu triste horietako batekin joateko.
- Ereserkia: Andoni Egañak proposatu zuén Xalbadorren heriotza? Faborez, ez al dago alaiagorik? Nik argi daukat: mundu guztiak buruz dakien bat, Pirritx eta Porrotxen Maite Zaitut.
- Bandera: Ikurrina? Nafarroakoa? Arrano beltza? Beste eztabaida amaiezin bat izango zen. Berri-berria beharko dugu. Inor ez haserretzeko, kolore guztiak izan beharko ditu. Beraz, gay eta lesbianen ostadarra. Ulertzen?
- Harmarria: Ideiarik ez, baina Zumetak egin dezala.
- Harmarriaren leloa: Inor zapaltzeko gogorik ez; inork zapaldua izateko, ere ez.
- Jai egun nazionala: aberri eguna?, urriak 25?, maiatzak 1?, uztailak 14? Ez ba: otsailak 29! Lau urterik behin, baina kriston jaia ospatu!
- Konfesioa: Ofizialik, bat ere ez. Etxean, norberak nahi duena, baina projimoa izorratu barik, mesedez.
- Armada: Zertarako?. Nork nahi izango du honen herri frikia inbaditu?
- Ohorezko Lehendakaria: Illaski Serrano; Kike Amonarriz lehen dama izanik, jakina.
- Gobernuaren aholkulari nagusia: Markos Zapiain. Pako Aristik lagunduko lioke, batez ere sukaldariekin zer egin beharko dugun erabakitzean.
- Poliziarik?: Ez dakit beharko ote genukeen. Zapianentzat lehen enkargua izango zen.
Horraino. Lelokeria? Zorakeria? Zuhurtzia? Zer diostazue?
Erantzunak
4) Egitura politikoa: Autorik gabeko errepublika.
5) Zenbat herrialde: Pi.
8) Armarria: Bi kainioi goruntza begira, eta zulotan aterkin batzuk sartuta.
9) Leloa: Earki gatxik!
10) Jai egun nazionala: Maritxu kajoi.
11) Konfesioa: Ateismo kich-a.
12) Armada: Weno Tira Faborez!
13) Ohorezko lehendakaria: Itziar Ziga.
14) Aholkulari nagusia: Mikel Aramendi.
15) Poliziarik?:Aguazilak.
- Estatuaren izena: euskal Estatua
- Hizkuntza ofiziala: html
- Hiriburua: Euskal Hiria ez al ginen ba? Ba hori izan dadila hiriburua!
- Egitura politikoa: Errepublika anarkiko-ekologista. Politikariek pentsa dezatela hori zelan gauzatzen den, nik ez dakit-eta.
- Zenbat herrialde: zero x infinitua= indefinitua
- Ereserkia: (Independence and) Nothing else matters
- Bandera: Gay bandera eta Ikurriña nahastuta, ba Herri Batasunarena hartzea ere badaukagu!
- Harmarria: gure arma hitza izan dadila, eta orduan, hitza grabatzeko erabilitako tresna vintage bat, cassetea da. Arma+arria, Veleian perfektua aurkitu zuten.
- Harmarriaren leloa: "ETA lelorik bai lelo leloa zara leloa"
- Jai egun nazionala: Abenduaren 28a. Ados ez dagoenak iñuzentada bezala ospatu dezake horrela!
- Konfesioa: konfesio bat: hau guztia serio doa.
- Armada: desarmerako bidea egiten, eta armadan pentsatzen hastea zen falta zitzaiguna!
- Ohorezko Lehendakaria: Illaski Serrano; Kike Amonarriz lehen dama izanik, jakina.
- Gobernuaren aholkulari nagusia: Kristino
- Poliziarik?: bai, oso baliagarria zaigu txisteak egiteko
- Estatuaren izena: Nafarroako Errepublika Euskalduna.
2. Hizkuntza ofiziala: Euskara. Hego Euskal Herri ohian espainola eta Ipar Euskal Herri ohian frantsesa koofizialak izango lirateke, beti ere bigarren mailan. Heldu erdaldunentzat euskaltegiak dohainik.
3. Hiriburua: Iruñea, zalantzarik gabe. Donostiak ez du horretarako kategoriarik :) eta hurrengo "erdiguneen" dagoena gure Iruñea maitea dugu.
4. Egitura politikoa: errepublika federal laiko sozialista.
5. Zenbat herrialde: herrialde bat eta bakarra. Printzipioz 6 eskualde, Nafarroa bakarra baita. Udalerrien autodeterminazio eskubidearekin, ados.
6. Ereserkia: nigatik, Laboaren Txoria txori. Eta zerbait modernoagoa nahi badugu, "maite zaitut" eta txorakeriak utzi eta Berri Txarrakek egingo digu bat.
7. Bandera: HBrena izandako ikurrina multikolorea, ezin hobea.
8. Harmarria: Nafarroakoa, baina koroarik gabe (txapela batekin, zer arraio).
9. Harmarriaren leloa: Deabrua eta Lege Berria.
10. Jai egun nazionala: eztabaidaezina, abenduaren 3a, Nafarroaren eta euskararen eguna. Dena dela, otsailaren 29an ere zerbait egin behar genuke, bai.
11. Konfesioa: konfesioak antzarrak perratzera. Eliza eta komentu guztiak gaztetxe edo kultur etxe bihurtuak.
12. Armada: militar bat eta bakarra nahikoa dugu gure herria defendatzeko: Xabinaitor handia.
13. Ohorezko Lehendakaria: Iñaki Perurena foreber.
14. Gobernuaren aholkulari nagusia: bi: Markos Zapiain eta Joxe Luis Korta. Akabo politikarien ustelkeria eta alferkeria.
15. Poliziarik? oraingoak bezalakorik ez behintzat.
Eta nire eranskina:
16. Kirol nazionala: bertsolaritza.
17. EITBko zuzendaria: Anjel Alkain.
18. Gure euroetan agertuko den aurpegia: Kontxu Odriozola.
19. Jan edan nazionalak: ardi latxaren gazta eta patxaran nafarra.
20. Bukatzeko, Mitxelin izarrak lortuko dituen sagardotegi bat egin behar dugu.
1. Estatuaren izena: Euskadi? Euskal Herria? Futbol federazioak zein utziko digu jartzen?
2. Hizkuntza ofiziala: lapurtera klasikoa.
3. Hiriburua: Corella (nik dakidan bati azkura eragiteko)
4. Egitura politikoa: errepublika tropikala
5. Zenbat herrialde: Hasteko, bakarra. Herri honen joera ikusita, zatituko da, zaudete lasai.
6. Ereserkia: hau azkenerako utzita ere berdin dio. Bertsolariren bati esan eta kitto.
7. Bandera: Galtzontzilo eta kulero gorriak makila baten puntan.
8. Harmarria: Zaldieroa artista da armarriak asmatzen.
9. Harmarriaren leloa: proposaturiko "Earki gatxik" primerakoa iruditzen zait.
10. Jai egun nazionala: urteko egun guztiak, kolpe zorririk jo gabe bizitzeko!
11. Konfesioa: konfesio bat: bakoitzak berea, Jainkoaren legea.
12. Armada: bai, baina pailazo jantzita ibiliko dira soldaduak.
13. Ohorezko Lehendakaria: ni.
14. Gobernuaren aholkulari nagusia: Euskal Taliban Jatorra.
15. Poliziarik?: bai, hau ere pailazo jantzita.
1. Estatuaren izena: Euskal Herria
2. Hizkuntza ofiziala: Euskara. Kargu publiko guztiak, ordezkaritza funtzioak betetzean, euskaraz aritu beharko dira. Hiritarrek administrazioarekin edozein hizkuntza erabiltzeko eskubidea izango dute, beti ere, euskarazko arretari lehentasuna emanez eta efizientzia arrazoiak errespetatuz.
3. Hiriburua: 4 urterik behin aldatuko litzateke, egungo probintzien hiriburuen artean.
4. Egitura politikoa: Erreferendum bidez aukeratuko litzateke errepublika federalaren edo monarkiaren artean (azken hau Nafarroako erresumaren berrestaurazioa izango litzateke).
5. Zenbat herrialde: Probintzien egituraren ordez, eskualdeak indartu.
6. Ereserkia: "Kontrapas" ("Garaziko herria, benedika dadila...").
7. Bandera: Ikurrina.
8. Harmarria: Egungoa, lurraldeen armarrien irudiekin.
9. Harmarriaren leloa: "Pro libertate patria, gens libera state" Aberriaren askatasunaren alde, jendeok, iraun aske!.
10. Jai egun nazionala: eztabaidaezina, abenduaren 3a, Nafarroaren eta euskararen eguna.
11. Konfesioa: Erabateko askatasuna nahi den talde erlijiosoari jarraitzeko, albo batera uzteko, beste bat hartzeko edo inolako talde erlijiosorekin harremanik ez izateko.
12. Armada: Ejerzitorik gabeko herria.
13. Ohorezko Lehendakaria: Ez dugu ohorezko lehendakaririk behar, are gutxiago bizidunen artean.
14. Gobernuaren aholkulari nagusia: Benetan merezi duenen bat, ez entxufatutako jendilajea (gaur egun bezala).
15. Poliziarik? Zenbat eta gutxiago, hobe.
16. Kirol nazionala: bertsolaritza.
17. EITBko zuzendaria: Anjel Alkain.
18. Gure euroetan agertuko den aurpegia: Kontxu Odriozola.
19. Jan edan nazionalak: Marmitakoa eta sagardoa.
1.Estatuaren izena: Euskoaren Errepublika Innobatzailea.
2.Hizkuntza ofiziala: Euskara, erderak ikusteko daude, segun eta zer eskeintzen duten trukean.
3.Hiriburua: Nola ez, Bilbado-Donostia-Gasteiz hirien bilketa izango den makrometropoli bat, hauen arteko "leku librea" etxez eta autobidez bete eta hemengo fauna eta flora museo-erreserba bat egiteko gune ekologikoa sortu, Petilla de Aragón OSO- OSOA.
4.Egitura politikoa: Betikoa, baino asmatuko genuke izen berritzaile eta polita, gobernu autoparlamentario eta automatikoa?
5.Zenbat herrialde: Printzipioz, eta Sabino Aranak zioen bezala, Bizkaia, gero Gipuzkoak anexionatu nahiko balu... Alaba eta Navarroa segun eta zein kondiziotan(preziotan).
6.Ereserkia: DJ Gorotzkov-en Andre Madalen, diskoteketan gazteek ere dantza dezaten, eta haur bertsioa haurrek eskolan txiki txikitatik kanta dezaten.
7.Bandera: Nola ez ba Ikkurrina! Noski koloreak ia zaharkituak geratzen direnez, ados gaude HB-ren garaiko ikurrika gay-a erabiltzekotan, Euskoaren Errepublika Inobatzailea Gay Friendly da, horrez gain Eusko Pastel gay-a, Arantzazuko monastegi gay-a, eta produktu turistiko berri bezela Gaying Euskadi ere aurkitu dezakete bertan.
8.Harmarria: Apple edo microsoft-en sinboloa, negoziatzen ari gara.
9.Harmarriaren leloa: Innobazioarekin infinituraino.
10.Jai egun nazionala: Ba zen garaia egun hau guri hautatzen uzteko!Ummmm aste barrua izan beharko du, ze lehendakaria asteburuan Chicagora doa, Banana Split bat edatera, eta senatari eta kongresistak Errioxara, Txinara eta Kankunera, (ostiralean Errioxan ardoa erosi,
larunbatean Txinatarrei saldu eta Igandean Kankunen Daikirietan gastatu, eusko langile on baten asteburua)
11.Konfesioa: Konfesionala izango da Partidua (Partido del Negocio Vasco) izango da erligioa, gainontzeko erligio guztiak partiduaren kontra ez doazen bitartean toleratuak izango dira ahala ere. Kanpo geratzen dira, ekologismoa, altermundismoa, altereuskismoa, komunismoa eta horrelako sektak.
12.Armada: Mugak zaintzeko misil balistiko eta interprobintzialak erosten ari gara jendea gudan ez implikatzeko, jendearen zeregina lana baita.
13.Ohorezko Lehendakaria: Bere Kurrinkulunarengaitik eta herri honen izena munduan zabatzeko izan duen lana ikusita Espainiako Erregea.(zer? Kanadak eta Australiak bai eta guk ezin dugu horrelakorik egin??).
14.Gobernuaren aholkulari nagusia: Idazten ari den hau bera.
15.Poliziarik?: Zenbat kostatzen dela? 500000000 euro urteanbakarrik? Orduan jarri beste 20000 gehiago. Nork babestuko gaitu bestela? Seguru Mubarak, Ben Ali edo Gadafik ertzaintzako beltzak izan balituzte oraindik boterean egongo liratekeela.
beste atal bat gehituko genioke:
16.-harreman sozialak: sarez egingo dira, Eskotxat,
euskotwiter,euskofacebook, euskopropaganda sarea, euskofrikiak internauta asoziazio errebindikatzailea, euskotel, euskogaztedi liderrak....Saretik kanpoko harremanen berri estatuari eman beharko zaio (sarean egiten direnei buruz dena baitakite).
17.- euroa abolitu eta Eusko-a bihurtuko da, eta edozein salerosketa "gora Euskoa" esanez hasi eta amaituko da.
18.- Errepublika pribatizatzekotan aurreikusi da Errepribatua izenera aldatzea, Euskoaren Errepribatu Innobatzailea.
Hauek dira "Bilbón-go protokoloak". Helburua lortzeko 15 urte inguru aurreikusten dira, eta kontutan harturik protokolo hau 2004an idatzi zela... geroz eta gutxiago falta da.
"Gora euskoa!"
6. puntuari dagokionez. "Maite zaitut" abestiak "pila pila pila patata tortilla" esaten du. Patata tortillari ere "tortilla española" deitzen zaio, beraz iruditzen zait modu subliminalean Espainia goratzen ari direla.
Beraz beste abesti bat aukeratu beharko dugu ereserkirako.