Akondia mendia txikituta
Joan zen zapatuan Eibarko Deportibokoek buzoi berria jarri zuten hainbat urte ezer barik egon zen Akondiako tontorrean. Oso polita da buzoi berria, altzairu herdoilgaitzaz eginda eta bere alboetan Antxon Narbaizaren idatziekin apaindua. Tamalez, edertasunez txoratuak edo, garrantzitsuenean hanka sartze izugarria egin dute antolatzaileek eta mendiari ia ehun metro lapurtu dizkiote.
Akondiako altuera orain arte ofiziala 748-749 metrokoa zen... ez dakit ba nondik demontre atera dute 678 metrokoa. Lehen momentuetan pentsatu dut 6a eta 7a lekuz aldatuta zeudela baina gero akordatu naiz gertu dagoen Kalamuak 769 metro dituela eta Akondia baino altuago dela, beraz Akondiak ezin zuen 768 metro eduki.
Hainbat GPS, Interneteko mapak eta horrelakoak eta bertako Mendiko Elkarteak hutsa mundiala egiten...agian ditxosoko munduko beroketaren ondorioz itsasoko maila igo da jadanik??? Akats bat izan da, nahigabekoa seguru, baina flipatzekoa da Deportibokoek akats hori ez sumatzea buzoia jarri baino lehen.
Nahiko umila dira Eibarko mendiak ehun metro kentzeko...
Erantzunak
Zelako sustoa!
Nire inguruan TXIKITUTA erabiltzen dugu "guztiz apurtuta"-edo esateko. Hala, "akondia mendia txikituta" irakurri dudanean, AHTren beste txikizioren bat izango zela pentsatu izan dut. Pozten naiz plakan oker bat egon dela irakurri dudanean.
Nik horrelakoetan TXIKIAGOTU aditza nahiago dut erabili, ulertze txarrak egon ez daitezen.
Bide batez: ez dago modaz pasatuta mendietan buzoiak eta bestelako tramankuloak jartzea? Noiz utziko ditugu mendi tontorrak pakean?
Buzoia jarri zuteneko mendi irteerari buruz idatzi zuen Asier Sarasuak bere blogean. 3-6 urte bitarteko umeentzat eta gurasoentzat mendi-irteerak antolatzen dituzte, eta horietako irteera batean jarri zuten buzoia.
/cache/Udako-Ola-2024_1_small_content.jpeg)
Ba bai, errorea dago buzoiaren altuerarekin. Badirudi buzoian egin beharreko inskripzioa egiterakoan transkripzio erroreren bat egin genuela eta buzoia egin zuenari altuera okerra eman genion.
Errorea lehenengo momentutik detektatu genuen baina ez genuen ba buzoia jartzea suspendituko, ezta? Eskatuta dugu plaka berria eta datozen egunetan jarriko dugu altuera zuzena.
Edozein harremanetarako: mendia@deporeibar.com
Eskerrik asko,