Hosni Mubarak (1981tik Egiptoko agintaria izan denak) dimititu egin du, boterea Armadaren eskuetan utziz. Omar Suleiman presidenteordeak eman du albistea jakitera, eta erabakia ospatzen ari dira uneotan Tahrir plazan bildutako manifestariak. Hemen ikusi daitezke ospakizunak, zuzenean.
Watch live streaming video from cbsnews at livestream.com
Protestak Tahrir Plazan izan dira 18 egunez, eta altxamenduaren ikur bilakatu da ondorioz. Gero eta jende gehiago elkartzen ari da han, goian ikusten denez.
Euskal tuiterlarien artean #Egipto da une honetan hitzik errepikatuena. Azken 24 orduotako hitzik errepikatuenak #Egypt eta #Mubarak dira.
Twitterreko iruzkinen artean, Theklani esker ikusi dugun hau:
@jordisalvia: Uninstalling #Mubarak ... 100% complete ██████████████████████████████ #Egypt #Mubarakgone #25jan
Bitartean, desagertuta dago Mubarak. Egiptotik alde egin omen du, eta non dagoen ez dago argi.
Bart gauen Mubaraken hitzaldi osoa irentsi nuen oso gaizki itzulita, portzierto, eta sekulako kabreoa harrapatu nuen ikusi nuenean ez zuela asmorik kargua uzteko.
Gaur, berriz, siesta egin ondoren jaiki, eta izugarrizko poza hartu dut, ikusita joan dela matoia. Haren ordezkoak, Suleimanek, ematen zuen Arias Navarro Francoren heriotza iragartzen. Biak ezpal berekoak dira, errepresio buruak izandakoak.
Egiptoko herriak merezi du gauzak ondo irtetea. Asko arriskatu du, eta hoberena opa diot.