EHAA (BOPV) hobetzen ari dira: Orain PDFa Internet Explorerekin bakarrik deskargatu daiteke
Ez sinistekoa da, badakit, baina une hauetan beste nabigatzaileekin ezin da boletineko PDFa deskargatu. Nik Firefox eta Chromekin saiatu naiz (Linux eta Windowsen) eta ezin, Internet Explorer erabiliz primeran doa Euskal Herriko Agintaritzaren Aldizkaria.
Eguneraketa: 14.15. Abisatu digute konponduta dagoela jada.
Abisua lagun batek pasatu dit. Berak egunero irakurtzen du boletina eta azken egunetan arazoak zituen. Esteka jarraitu eta errore moduko bat ateratzen zen. Arduradunei galdera luzatu die eta hau da jaso duen erantzuna:
Entendemos que utiliza un navegador que no es Internet Explorer ya hemos realizado un cambio interno en la configuración de la página y no hemos optimizado su funcionamiento en otros navegadores. Estamos en vías de solución y le rogamos nos disculpe por los inconvenientes que le podamos haber causado.
Barkatu, baina ...., MANDA HUEVOS !!
Aldaketak egiten ari bazarete eta aldaketa hauek ez badaude prest beste nabigatzaileentzat, ez jarri produkzioan aldaketak !! Konpondu arazoak eta denontzat prest dagoenean, orduan aplikatu. Ez da hain zaila, ezta ?
Badirudi hau egin eta onartu dutenek ez dutela egunkaria irakurtzen
Hemen deskargatzeko orrialde nagusia: http://www.euskadi.net/cgi-bin_k54/bopv_00?e
Hemen atzoko boletinaren PDFa: http://www.euskadi.net/cgi-bin_k54/bopv_20?e&f=20110210&s=2011028
Erantzunak
Ni hemendik sartzen naiz Firefoxekin eta ez dozt arazorik emante:
http://www.euskadi.net/cgi-bin_k54/bopv_00?E
Badirudi Sustatuk daukan oihartzunak eragina izan duela, eta hemen publikatu eta ordu gutxira konpondu dute arazoa. Eskerrik asko benetan arazoa konpondu duzuenoi.
Hala ere, honen harira hausnarketa bat. Iruditzen zait gure administrazio publikoko sail askotan errespetu falta handia zaiola Microsoft etxeko ez diren sistema eta software guztiei. Hau ez da gaurkoa, urte askotan horrela izan da, eta seguru zaila izango dela hori aldatzea.
Oraingoa adibide txiki bat izan da. Erraz sahiestu zitekeen, aldaketak publikatu aurretik norbaitek balidatu izan balu nabigatzaile guztiekin ondo zebilela. Itxuraz ez da horrela egin, Internet Explorerekin testatu da eta aurrera.
Baina ez da adibide bakarra. 2010eko azaroan ikusten genuen ikastetxe publikoetako kudeaketa programa berrietan ere Internet Exploreren beharra aipatzen zutela (nahiz eta gero ikusi agian ez zela beharrezkoa ), eta 2010eko apirilean ikusten genuen hezkuntzako posta elektronikoan eginiko aldaketak postak irakurtzeko beti erabili izan diren protokolo estandarrak aurrerantzean erabiltzea ezinezkoa egiten zutela
Erabaki hauekin nora goaz ?
Bestalde ezin ukatu administrazioko alor batzuetan aurrerapen handiak egin direla, batez ere OpenData alorrean.
Azken hilabete hauetan Hezkuntza Administrazioak ikastetxe publikoetatik abiatutako deskargei aplikatzen dizkien iragaziek Firefoxen hainbat gehigarri, hala nola Firefox Sync eta Download Helper eta Thunderbirden beste gehigarri batzuena blokeatzen dituzte ikasle, irakasle eta beste langileen iharduerak zangotrabatzen.
Akatsa ematen duen orrialdeetako batean, adibidez hemen html kode bat azaltzen da Internet Explorer ez diren nabigatzaileetan. Hor goiko irudian dagoen kodea, alegia. Html kode horretan ageri da PDF dokumentuaren kokalekua, kasu honetan hau:
/bopv2/datos/2011/02/s11_0028.pdf
Pdf dokumentua lortzeko, zati hori pegatu behar da euskadi.net-en ondoren, alegia:
http://www.euskadi.net/bopv2/datos/2011/02/s11_0028.pdf
Arazoa konpondu bitartean, EHAAren aleren bat deskargatu nahi duenak horixe egin dezake.