UEUren argitalpen berriak

• Sukaldaritza-teknologia: sukaldaritza-prozesuen oinarri zientifikoak

Giza Elikadura eta Dietetika Ikasketetarako testuliburu moduan sortua izan arren, liburu honetan bildutako informazioa baliagarria izango da beste unibertsitateko ikasle eta irakasleentzat nahiz elikagaien teknologian eta prozesatzean interesatutako edozein sukaldari edo sukaldaritza-zalerentzat.

• Lurralde-antolamendua Euskal Herrian: gaur egungo egoera, gatazkak eta erronkak

Lurralde-antolamenduak ikuspegi orokor eta sistematikoa bereganatzen du, baita eredu bateratu batean ekonomia, gizarte, kultura, paisaia eta baliabide fisikoei lotutako arloak uztartu ere.

• Lau Haizetara. Gerra Zibilaren ondorengo erbesteaz

Espainiako estatutik jendea indarrez kanporatzea ohiko jarduna izan da. Aro garaikidean, izan ziren aldaketa politikoak zirela medio, etengabeko erbesteratzeak suertatu ziren. Alde batekoak zein bestekoak, hala nola afrantsesatuak, karlistak, liberalak, errepublikanoak, ezkertiarrak… Baina, ezbairik gabe, deserriratzerik handiena, kopururen aldetik itzelena izan zelako eta gizarte-klase oro jo zituelako, 1936-1939 Gerra Zibilaren ondoriozkoa dugu.

• Hezkuntza Bereziaren oinarri psikologikoak. Aniztasunaren trataera

Hezkuntza Bereziko ikasleekin lan egiten duten adituei eta, batez ere, Irakasle Ikasketak egiten ari diren ikasleei zuzendutako eskuliburua da.

• UZTARO 75. aldizkaria

Gaiak: Artea, Filosofia, Historia, Psikologia, Zuzenbidea

• ALDIRI 4. aldizkaria

Lurrari edo espazio fisiko konkretu bati loturik ez gauden heinean, mugitzeko aukera eta beharra izaten dugu. Pertsonen, produktuen eta lehengaien mugikortasunak eragina du soziologia, ekonomia eta lurralde antolakuntzan. Mugitzeko joerak bi atal nagusi ditu gaur egun: jarduera ekonomikoa eta aisialdia. Bi atal horiek desplazamenduen % 75 inguru jasotzen dute.