Nothing Else Matters abestia Metallica Heavy Metal taldeak sortutako balada ikaragarri honek ere izan ditu bertsio desberdinak. Lehenengo aldiz 1991an entzuteko aukera izan genuen, beraien Black albumenan. Taldeko abeslari eta gitarrista den James Hetfield-ek idatzi zuen, eta Queen-en Tenement Funster abestian oinarritu omen zen. Batzuek diotenez, bere neskalagunari idatziriko abestia da, errepidean zihoala eta harengandik urrun zegoela.
Sarean bertsio asko bilatu ditut, hona hemen batzuek:
Hasteko, San Francisco Orkesta Sinfonikoarekin grabatutakoa, jatorrizkoaren oso antzekoa eta nik gehien atsegin dudana.
Lucie Silvas britaniarraren bertsioa hemen berriz, emakumezko ahotsean!
Apocalytica metal bertsioak nota sinfonikoetan eraldatzen dituen talde Finlandesak ere egin zuen bertsiorik:
Gregorianoak atsegin dituenarentzat ere bertsio egokitua:
Inork aurreko bertsioak oso lasaiak direla uste baldin badu, aukera teknoa ere badugu:
Eta azkenik, aski ezaguna den Shakira abeslariaren bertsio bat ere, baina dudan izan naiz, jarri ala ez...
Edozein delarik gustatzen zaizuen bertsioa, disfrutatzea espero dut, zeren... beste ezerk ez du axola!
Bertsio guzti horien egileak Joseba
Kamiok lehengo astean kaleratutako post-a irakurtzera gonbidatuko nituzke.
Orijinalera ez dira ezta hurbildu ere egiten.
Metallicari buruz, Metallica: some kind of monster dokumentala gomendatzen dizuet. Laburpena: taldeko kideek psikologo bat kontratatzen dute, euren arteko gorrotoa baretzen eta trapu zikinak garbitzen saiatzeko. Ikaragarria da lana, musikariak benetan diren bezalakoak agertzen direlako: Lars Ulrich bateria-jotzailea inoiz pantaila batean ikusitako putatxulorik nazkagarriena gisa agertzen da (Darth Vader kenduta), eta James Hetfield gixajo mozkorti hutsa dela ikusten da, tipo gogorrarena egin arren.
Salbatzen diren bakarrak, Kirk Hammett eta Rob Trujillo dira, baina noski, azkena orduan sartu zen taldean.
Torrentea hemen: http://torrents.thepiratebay.org/3294196/Metallica_-_Some_Kind_Of_Monster_2CD_DVDRip_XviD_2004.3294196.TPB.torrent
Gaztelerazko azpidatziak: http://www.subdivx.com/X6XMTE1NjM2X-metallica-some-kind-of-monster.html
Ez horregatik
Hau zen jarri nahi nuen bideoa...
http://www.youtube.com/watch?v=NJhWnn92cWk&feature=related
Antzeko artikuluak lehenago ere atera izan ditu Sustatuk, adibidez duela urtebete Gari Araolazak idatzitako Hallelujah kantuaren bertsioak edo maiatzean Youtubeko euskal kantuen Top zerrenda zela eta atera genuen Ken Zazpi taldearen Ilargia kantuaren bertsioen post bat.
Beste inork antzekorik idatzi nahi badu Zeuk idatzi aukera erabili dezake.