Hiru kategoriatan aurkeztu daitezke lanak: dibulgazio artikulu originalak, gazteei zuzendutako narrazio-zientifikoak eta zientzia-kazetaritzako lanak
Elhuyar Fundazioak eta CAF enpresak, Eusko Jaurlaritzako Kultura Sailaren laguntzarekin, abian jarri zituzten 2010eko CAF-Elhuyar Sariak orain dela hilabete batzuk. Lanak aurkezteko epea datorren urtarrilaren 31n amaitzen da, eta parte-hartzaileek hiru kategoriatan parte har dezakete: dibulgazio-artikulu originalen kategorian, 2.000 -ko bi sari emango zaizkie inoiz argitaratu gabeko dibulgazio-artikuluei; bata dibulgazio-artikulu orokorrei dagokie, eta bestea egilearen doktore-tesian oinarritutako dibulgazio-artikuluei. Gazteei zuzendutako zientzia-narrazioaren kategorian, 5.000 -ko sari bat izango da gazteei zuzendutako euskarazko literatura-lan hoberena aurkezten duenarentzat. Azkenik, zientzia-kazetaritzaren arloko lanen kategorian, 2.000 -ko sari bat egongo da.
Sariketa honi buruzko oinarriak hemen daude eskuragarri, eta bertan daude kategoria bakoitzari dagozkion xehetasunak.
Erantzun
Sartu