Teknologia albisteak

TMH, Garraio publikoko planifikatzailea mugikorrentzat

Erabiltzailearen aurpegia
Mikel Lizarralde - CodeSyntax
2010-12-16 : 15:12

TMH garraio planifikatzailea da, bi punturen arteko ibilbide motzena kalkulatzen duena garraio publikoa erabiliz. Erreminta hau mugikorretako web-nabigatzailearekin erabiltzeko garatu dugu. Oinarrizko demoa Gasteizen bidaiatzeko erabil daiteke. TMHri buruzko azalpenak CodeSyntax-en blogean aurki daitezke.

TMH bi osagairekin garatu dugu, batetik OpenTripPlanner (bideraketak egiteko) eta bestetik Django (datuen prozesaketa eta front-tend-a). Datuak direla eta OpenStreetMap -etik datu geografikoak ateratzen ditugu eta GTFS-etik (Google Transit Feed Specification) garraio publikoaren informazioa.

Demo bertsio hau Gasteizen egin dugu bi arrazoi direla medio: OpenStreetMap-en datuek duten kalitate onagatik eta Gasteizko Udalak GTFS fitxategia askatu zuelako.

Nola erabili?

Sartu labs.codesyntax.com/tmh webgunean, aukeratu nondik abiatu eta nora iritsi nahi duzun, baita ibilbidea noiz egin. Hasiera zein bukaera puntuak geltokiak, kaleak, auzoak edota interes-guneak izan daitezke (tabernak, ostatuak, museoak eta abar).

TMH erabiltzeko QR kode hau erabil dezakezu:

Funtzionamendua azaltzen duen bideo bat:

Gogoan izan egindako hau demo bat dela, beta bertsioan dagoena. Asko du hobetzeko oraindik, baita euskarazko bertsio oso bat egitea ere. Zuen iritziak eta kritikak ongietorriak izango dira.

TMHri buruz sakonago jardun dugu CodeSyntax blogean

Erantzun

Twitter ikonoa  Facebook ikonoa  Sartu