Lagun ezkutua antolatzeko tresna, zozketa automatikoki egiteko
Gabonetan opariak egiteko lagun ezkutuaren jolasa erabiltzen dutenentzat badago erraminta praktiko bat sarean: Zurelagunezkutua.com. Bertan parte hartuko dutenen izenak eta e-posta helbideak sartuz, tresnak zozketa egin eta automatikoki mezu bana bidaltzen dio partaide bakoitzari, oparia nori egin behar dion jakinaraziz.
Zozketa egiteko formulario txiki bat bete behar da, hiru atalekin:
- Opariaren gehienezko gastua
- Partaideen izenak eta e-posta helbideak
- Opariak banatzeko data
Behin hori beteta, sistemak zozketa egin eta automatikoki partaide bakoitzari mezu bana bidaliko dio zozketaren berri emanez. Mezu horretan zehazten dira goiko hiru atalak eta zehazki noren lagun ezkutua zaren.
Duela bi urte Zabaldun ere agertu zen.
Erantzunak
Kaixo Amaia,
zozketa ondo burutu dela esaten dizu edo ZOZKETA EGIN botoian sakatzean errorea ematen dizu?
Lehen kasua bada, akaso jasotzaileak mezua spam bezala jaso du edo helbidea ez da existitzen... eta bigarren kasuan baliteke posta elektronikoaren formatua zuzena ez izatea eta horregatik errorea ematea.
Ez baduzu zozketa egin eta oraindik garaiz bagaude, jarri gurekin harremanetan info[a bildua]goisolutions.net helbidean msdz.
ondo pasa jaiak!!
/cache/Udako-Ola-2024_1_small_content.jpeg)
Hobekuntza xume batekin perfektua litzateke: erabiltzaile bakoitzaren e-posta helbidera bere izena bidali, horrela bakoitzak bere buruari erosiko dio oparia, aproposa asmatzeko modu hoberik ez dago.