Gaztelaniazko Euskadi Literatura Saria gaur Sautrelan

sautrela

2010-12-04 08:12

Gaur, larunbata, ETB1en emitituko den Sautrelan, gaztelaniazko Euskadi Literatura Saria irabazi duen José Fernández de la Sota izango dugu mintzalagun. Bilbotarrak, Vacilación poesia lanari esker irabazi du Euskadi Saria. Euskarazko literaturan murgilduta gabiltzan arren, Sautrelan ere txoko bat ireki nahi diogu erdal munduko literaturari. Fernández de la Sotarekin poesiaz, literaturaz eta beste hainbat gauzataz hitz egingo dugu.

Erreportajean etorkizun hurbilari begira jarriko gara. Aspaldi da e-book delakoa edo liburu elektronikoa saldu zigutela. Gailuak ere ikusi ditugu denda eta erakustazoketan. Baina liburu elektronikoak bere bidea herrenka egiten zuelakoan ginen. Oker geunden. Azken aste honetan zabaldu berri da internetan gurebook.com webgunea. Bertan, ebooka erabiltzen duen orok euskal liburuak euskarri elektronikoan erosi ahal izango ditu. Horri begira jarri gara aste honetako erreportajean. Geroz eta gertuago dago iraultza elektronikoa literaturaren munduan. Eta euskal literaturarentzat prest daude baliabide desberdinak.

Bukatzeko, astero eskaintzen dugun irakurketa hautaturako txokoa Unai Elorriaga idazleari utziko diogu.
Hau guztia, ohi bezala, larunbat arratsaldeko 15.15ak aldera, ETB1en.

www.eitb.com

Sautrela sare sozialetan:
facebook.com/Sautrela
twitter.com/sautrela
vimeo.com/sautrela

Erantzunak kargatzen...

Gaztelaniazko Euskadi Literatura Saria gaur Sautrelan

Jarraitu gaitzazu