Perurena eta Zuzeu txanpainez bustiko dituzte Durangon

Patxi Gaztelumendik bota du hor dagoa. Eta Markos Jutsuriagak erantzun segituan. Abenduaren 6an, arratsaldeko 18:00etan festa antolatu dute Zuzeuko hainbat erabiltzailek, Perurenari eskerrak eman, albistari horizontalaren emaitza onak ospatu eta bide batez sortu den euforia orokorrari aterabidea bilatzeko.

Ehundaka milaka sarrera izan zituen Perurenaren eta Bilbovisioneko kazetariaren arteko elkarrizketaren bideoak. Errekor guztiak apurtu zituen eta makina bat hedabidetara eraman zuen Zuzeu. Ez da ohikoa euskarazko hedabide digital batek horrelako sona izatea.

Orain ordea zuzeulariek hartu dute batuta, eta xanpainez busti nahi dituzte, bai herri jasotzailea eta baita Zuzeu albistaria bera ere. Biba zuek!