Miguel Angel Idigoras ETBko zuzendariak are gehiago nahastu du EITBren inguruko nahaspila, atzo argitaratutako elkarrizketa batean botatakoekin. EAJk ohar batekin erantzun zion Idigorasi atzo, eta gauez, komunikatu ofizialarekin EITBren zuzendaritzak erantzun zuen. Bide batez, guztiaren jatorrian dagoen bideoa publiko egitea erabaki du EITBko zuzendaritzak.
Jatorrian, Estatutuaren urteurrenaren inguruan kutsu politikoa zuen testu bat prestatu izana, eta huraxe erredaktore bati irakurriarazi nahi izatea dago. Horretaz informatu genuen hemen, baita ondoren izandako erreakzioez. Testu hura, azkenean, kontratu ez iraunkorra zuen pertsona batek irakurri zuen albistegirako. Irakurketari uko egin zion kazetaria, eta haren egoera salatu zuena, espedientatu egin zituztela zabaldu zen. Erreakzio gisa, langileek oharra kaleratu zuten, eta baita pankarten bidez protesta publikoa egin.
EITBko Zuzendaritzak, bideo eta testu hartan zertaz lotsatu ez dagoela erakusteko edo, publiko egin du bideoa atzo.
Polemika honek egindako bidean, atzo egun latza izan zen, batez ere ETBko zuzendari Miguel Angel Idigorasek elkarrizketa batean sekulakoak eta bi bota zituelako El Correo egunkarian. Badirudi ezker abertzale erradikalenak kontrolatzen duela EITB, bai lehen, eta bai orain.
Lehen:
Durante 30 años, en ETB se ha convivido gracias a un pacto de no agresión entre las direcciones nacionalistas y el mundo más radical de la plantilla. El PNV dirigía la televisión y, a cambio, la izquierda más radical, respaldada por ELA y LAB, campaba a sus anchas.
Orain:
Hay grandes profesionales. Pero parte de la plantilla la forma gente que no quiere el enfrentamiento, que mira para otro lado y da la callada por respuesta, mientras otro sector, instigado desde fuera y por propia ideología, no permite que nadie ejerza la dirección. Los más radicales tienen el control interno.
Kontrol ikaragarri horretan, nonbait, EAJkoen laguntza du kanpotik, alderdi horrek lagundu diolako sutea eragiten EITBren barruan dagoen nukleo erradikalari; horixe sinesten du Idigorasek.
Horren aurrean, oharra kaleratu zuen atzo arratsaldez EAJko Euzkadi Buru Batzarrak. Pasarte bat:
Gertakari multzo honek Euskal Telebista eraman du guztiz jasanezina den egoerara. Kudeaketa lanetik ateratzen diren datuak argiak dira. Gizartean ospe ona galdu dute eta urte betean ikus- entzuleriaren erdia baino gehiago galdu da. Datu hauek zalantzan jarri dute ETBren egitasmoaren bideragarritasuna eta atzera bueltarik ez duen egoerara eraman dute zuzenean edo zeharka Euskadiko 3000 famili hartzen dituen egitasmoa.
Eta ohar honen aurrean, EITBko zuzendaritzaren beste ohar bat, Idigorasen alde, EAJren kontra, eta sei puntu nabarmenduz.
Ohar hau EITBko zenbait emanalditan eman dutela dirudi, adibidez gaur goizean Euskadi Irratian 8.30ak aldera.
Javier Vizcainok (lehen Radio Euskadiren Más Que Palabras-en zegoen, orain Onda Vascan) honi buruz idatzi gaur bere blogean.
ETBko langile batzordeak eta batzarrak ere erantzun die, halaber, Idigorasen elkarrizketari eta EITBko zuzendaritzaren oharrari. Hona kaleratu duten agiria.
Berriak dioenez, Euskadi Irratiko, Radio Vitoriako eta Radio Euskadiko langile batzordeek bat egiten dute agiri horrekin.
Oharra gaztelaniaz ere zabaldu zuen EITBk, noski, eta bideoaren gaztelaniazko bertsioa ere publiko egin dute. Ohar horren irakurketa, bederen, bart gaueko Teleberrin izan zen ETB2n, 21.15ak aldera.