Gauerdiko 12etan jarri dugu martxan gure proiektu berria: Deskontu , eguneroko eskaintzen webgune berria. Egunero, Gipuzkoako enpresa, zerbitzu edo produktu baten deskontu edo eskaintza bat aterako da. Erabiltzaileak 24 ordu izango ditu eskaintza hori erosteko. Behin erosi ondoren, deskontu hori erabili ahal izateko epea enpresa bakoitzak jarriko du. Astebete, hilabete, hiru hilabete, sei, eskaintza bakoitzaren arabera izango da.
Erabiltzaileari eskaintzen dena interesatzen bazaio erosi eta kode bat iritsiko zaio posta elektronikora. Behin eskaintzaren 24 orduak pasata joan daiteke, kodearekin, zerbitzu edo produktua eskuratzera. Beti ere enpresak jarritako baldintzak betetzen badira.
Eskaintza baliagarri izateko erosle kopuru minimo bat behar da, eta kasu bakoitzean minimo hori aldatu daiteke.
Proiektu berri honen atzean ilusio eta ordu askoko lana besterik ez dago. Badakigu hau ez dela nahikoa arrakasta lortzeko baina honaino iritsi izanak harro sentiarazten gaitu. Hemendik aurrerakoa... saria.
Kaixo,
proiektu hau bere lehen pausuak ematen hasia dago. "Beta" moduan dago beraz. Euskaraz egon da hasieratik ta argi du bere baitan horrela behar duela izan. Euskara beraren erabilera txukuntzen joatea da helburua ta ahalik eta hobekien itzulita egotea.
Amurik ez dago euskaraz. Ez dago plan ilunik norberaren irudipenak ikusten ez dituenak ez badira. Bai dago saltzeko gogoa, noski, bere xedea negozioa baita eta euskara zein gaztelerak hizkuntza bezala ere helburu hori edukitzea zilegi delakoan nago.
Gazteleraz sartzen da hasiera batean ta hori hobetzeko bidean dago Haritz Rodrgiuezek dioen moduan nabigatzailearen hizkuntza detektatuaz. Ikusiko dugu zenbatek duten euskaraz bere nabigatzailea.
Ta proiektu honen atzean euskaldun jendea dago saiakera guztiak egiten. Nahiko lan bada Interneten euskara bultzatzen eta ez dut uste horrelako iruzkinek inolako onik egiten dionik geure hizkuntzari.
Kontutan izan mesedez. Ta izan baikor. :)
Lehenik eta behin barkamena eskatzen dizuet ez bait nuen euskeraren botoia ikusi eta arrazoia dezute bai euskaraz ere badabil.
Bigarrena Donostia inguruan aipatzen dudanean nahita egin nuen aipamena,hiri honetan denda ta abarretan ,askotan gertatzen ari bait zait izena euskaraz izan eta gero saltzailea erdaldun "petoa" izatea.
Nahiko baikorra izaten naiz normalean baina Euskeraren inguruan nahiko ezkor nabil azken boladan(ezkor=erreta)
Oso polita, hi!
Amua euskaraz eta gainerakoa espainolez.
Munillak eta Espainiako Armadak ere, halaxe.