Teknologia albisteak
4

Hitza eta Berriaren paperezko eta sareko proiektu berriak datorren astean aurkeztuko dituzte

Erabiltzailearen aurpegia
Sustatu
2010-10-28 : 16:10

EKT enpresatik jaso dugu oharra: "Berria eta Hitza egunkariek, proiektu berria abiaraziko dute, sarean eta paperean." Zera ere gehitu dute jasotako mezuan: "Zabaldu gonbidapena zure inguruan."

BERRIA Taldeak produktu berritu eta osatuagoa eskainiko du azaroaren 5etik aurrera. Informazio nazionala eta lokala, papera eta sarea.... egoera berrietara egokitutako eskaintza.

Proiektuak aurkezpen desberdinak izango ditu herrialdeka. Guk jakin dugu Arabakoaren eta Gipuzkoakoaren berri:

  • Arabakoa: Azaroak 2, asteartea, 19.30etan Artium museoan.
  • Gipuzkoakoa: Azaroak 4, osteguna, 19.30etan. Andoaingo Martin Ugalde Kultur Parkean.
  • Bizkaikoa, Bilbon, azaroak 3, asteazkena, 19.30etan Kalderapekon.
  • Nafarroakoa, Iruñean, azaroak 3, 19.30etan Zaldiko Maldiko elkartean.
  • Baionakoa, azaroak 5, 11:30etan, Elkar megadendan.

Hala dio gonbidapenak:

Bizi dugun egoera zailari, elkarlanaren bidez erantzungo diogu eta aurrerantzean informazio osatuagoa emango dugu.

Proiektu berria aurkezteko egingo den ekitaldira gonbidatu nahi zaitugu. Bertan aurkeztuko ditugu sareko proiektu berria eta Arabako HITZA astekaria.

Gipuzkoako testuak ere, Gipuzkoako HITZA astekaria aipatzen du. Pentsatzen dugu beste herrialde batzuetan ere egongo direla aurkezpenak. Argitzerik bai?

Erantzunak

xiber
2010-10-28 : 17:52

Bizkaiko testuak ere aipatzen du Bizkaiko Hitza. Azaroaren 3an izango da aurkezpena Kalderapekon, Bilbon.

Sustatu
2010-10-28 : 21:57

Eskerrik asko Xiber. Sareko lagun batzuei esker, Kalderapeko ekitaldiaren ordua ere jakingo dugu, eta baita egun berean Iruñean egingo den ekitaldiaren berri. Gasteizkoan ordua eta tokia ahaztu zitzaigun, eta hori zuzenduz eta datu berriekin artikulua osatu dugu.


Falta zaigu jakitea azaroaren 5ean Baionakoa non eta ze ordutan den.


agenda
2010-10-28 : 22:30

Azaroaren 5etik aurrera BERRIAn agenda zerbitzu zabalagoa eskainiko dugu.Batetik,egungo egunkariaz gain,ostiralero astekari probintzialak kaleratzen hasiko gara: Gipuzkoako Hitza,Bizkaiko Hitza,Nafarroako Hitza,Arabako Hitza eta Ipar Euskal Herriko Hitza,eta astekari horiek euren agenda propioa izango dute. Bestetik,berria.info webgunean ere agenda zerbitzu zabala jarriko dugu martxan,on-line, Euskal Herrian egunez egun izango diren ekitaldien inguruko informazio osoarekin. Internet bidezko agenda horretan,gainera,kontzertu,hitzaldi eta bestelakoen antolatzaileok ekitaldiak sartzeko aukera izango duzue,formulario bat beteta,modu errazean.



Zuen ekimenek hedapen zabalagoa izateko aukera izango duzue,beraz.Horretarako,ekitaldien berri hamar egun lehenago ematea ezinbestekoa da, batik bat astekarietan informazioa garaiz sartzeko.Hemendik aurrera eskertuko genizueke ahalegin hori egitea.Aurreneko aleak prestatzen ari gara jada,eta zuen ekitaldien berri zenbat eta azkarrago izan,hobe.



Azaroaren 5etik aurrera,berriz,zuen ekitaldia zeuek zuzenean sartuz gero,berehala egongo da ikusgai webgunean.Eta lehentasuna izango du paperako. Proiektu berrian ere elkarlanean jarraitzea espero dugu.Estimatuko dugu ahalegina.



Milesker zuen arretagatik, eta laster arte.



Berriako agenda saila.

Sustatu
2010-10-29 : 10:27

Osatu dugu aurkezpen guztien ordutegia eta lekuena.


Bestalde, gaur Joanmari Larrarte EKTko ordezkariaren elkarrizketa dator Berrian, eraldaketaren berri ematen duena. Adierazpen interesgarriak:



Une honetan BERRIAk inoiz baino irakurle gehiago ditu: papereko irakurleak gutxituz doaz, baina Interneten hazkunde handia izaten ari da. Horrek, ordea, ez du isla bera alde ekonomikoan, eta hor sortzen dira arazoak.(...)


Komunikabideentzako etorkizuna Interneten dago, nahiz eta ez jakin oraindik nolakoa izango den eta ekonomikoki nola izango den posible.

Erantzun

Twitter ikonoa  Facebook ikonoa  Sartu