Teknologia albisteak
Goardia Zibilen marrazkiak, deskargatu eta koloreztatzeko
Sustatu
2010-10-12 : 10:10
Hispanitate eguna da gaur: jai-eguna espainiar Estatuan, eta jai beraz Hego Euskal Herriko eskoletan. Eguraldi honekin etxean igaroko dute eguna askok eta askok eta, hori dela eta, proposamen bat dakarkigu haurrak dituzten guraso sustatuzaleentzat: Goardia Zibilen marrazkiak deskargatu eta inprimatu koloreztatzeko.
Goardia Zibilaren webgunean umeentzako atal bat dago eta bertan koloreztatzeko marrazkiak jarri dituzte deskargatu eta koloreztatzeko. Proposamenen artean honako hauek ikusi ditugu:
- Helikopteroa
- Armadun Goardia Zibila
- Txakurrarekin
- Zaldi gainean
- Aduanan
- Buzeatzen
- Goardia Zibilaren itsasontzia
- Mendizalea
- Ikertzailea
- Landakoa
- Motorrean
- Bonba bat deskatibatzen
- Trafikoaz arduratzen den Goardia Zibila, motorrean
- Ahumadako Dukea
Koloreztatutako marrazkiak Goardia Zibilari bidaltzeko aukera dago, eta jasotako lanak euren webgunean argitaratzen dituzte.
/cache/Udako-Ola-2024_1_small_content.jpeg)
Ze ideia ona!
Hementxe poliziak agertzen diren beste marrazki batzuk: polizia1
, polizia2, polizia3, polizia4, polizia5, polizia6, polizia7, polizia8.
Beste hauek berriz argazkiak dira, baina irudi bihurtu litezke, poliziak historian zehar eta gaur egun betetzen duen ezinbesteko funtzio hori umeei azaltzeko: polizia1
, polizia2, polizia3, polizia4, polizia5, polizia6, polizia7, polizia8.
Beste argazki honekin berriz joko hezigarria bat egin dezakete Guardia Zibilek: bilatu sei desberdintasunak.
Bain beno, marrazkiak eskatzen dituzte eta nik oso aproposa aurkitu dut: haur batek poliziak bere familiari nola lagundu dion azaltzen duena. Zuek uste duzue marrazki hau aurkeztuz gero aukeratuko luketela? Finalista bezala gutxienez bai ezta?