EuskalMapa.com, munduko mapa euskaraz

Euskarazko mapa egiteko, OpenStreetMap-ek (OSM) ematen dizkigun aukerak baliatzen ditugu. OSMk aukera ematen du toki bakar bati hainbat izen emateko hizkuntzaren arabera. OSMen euskarazko izenak name:eu etiketaren bidez identifikatzen ditugu. Euskalmapan, toki batek name:eu etiketa badauka, horixe erakusten dugu eta, bestela, izen ofiziala.

Mapa euskaraz, zoom mailaren arabera

Bereizmen ezberdinen arabera ikusten da mapa euskaraz. Oraingoz, ondorengo zoom mailatan ikus daiteke:

• Mundu guztia: 1-9 zooma
• Espainia: 10-13 zooma
• Euskal Herria: 13-17 zooma

Gainerako zoom mailetan OSMren jatorrizko bista ikusiko da: alegia, euskarazko izena beharrean, tokiaren izen ofiziala bistaratuko da.

Horra zenbait adibide:

• Europa hegoaldea eta Afrika iparraldeko herrialdeak:

Argazkiak.org | Euskalmapa © cc-by-sa: sustatu

• Trebiñuko konderria euskarazko toki izenekin:

Argazkiak.org | Trebiñu © cc-by-sa: sustatu

• Ezpeleta ingurua, Iparraldean:

Argazkiak.org | Ezpeleta © cc-by-sa: sustatu

• Gasteizko erdigunea:

Argazkiak.org | Gasteizko alde zaharra © cc-by-sa: sustatu

Maparen datuak

Hasieran aipatu bezala, mapan agertzen diren toki-izen, eta gainerako datuak, OpenStreetMap ekimenetik ateratakoak dira, OSM-ren CC-BY-SA lizentziari esker; eta edozein erabiltzailek editatu ditzake OpenStreetMap-en agertzen diren datuak.

Beraz, toki-izenak euskaraz agertzea nahi baduzu edota maparen kalitatea hobetzea, joan OpenStreetMap.org webgunera eta editatu bertan dagoen informazioa. Wiki honetan informazio ugari dago hasiberrientzat, baita EuskalMaparen blogean ere.