Teknologia albisteak

CAF-Elhuyar sariak 2010

Erabiltzailearen aurpegia
Elhuyar Fundazioa
2010-10-10 : 11:10

Zientzia eta teknologiaren arloko gaien eta ikerketen euskarazko dibulgazioa, kazetaritza eta narrazio-lanak bultzatzeko helburuarekin, honako hiru kategorietan egongo dira sariak:

  1. dibulgazio-artikulu originalak
  2. gazteei zuzendutako zientzia-narrazioa
  3. zientzia-kazetaritzaren arloko lanak

Elhuyar Fundazioak eta CAF enpresak abian jarri dituzte 2010eko CAF-Elhuyar sariak, Eusko Jaurlaritzako Kultura Sailaren laguntzarekin. Zientzia eta teknologiaren arloko gaien eta ikerketen euskarazko dibulgazioa, kazetaritza eta narrazio-lanak bultzatzeko helburua du sariketa honek, eta badira 17 urte sariketa abian jarri zenetik.

Hiru kategoria egongo dira aurten:

Dibulgazio–artikulu originalen kategoria

Inoiz argitaratu gabeko dibulgazio-artikuluei 2.000 €-ko bi sari emango zaizkie:

  • bata dibulgazio-artikulu orokorrei dagokiena
  • eta bestea egilearen doktore-tesian oinarritutako dibulgazio-artikuluari dagokiona.

Gazteei zuzendutako zientzia-narrazioaren kategorian

Gazteei zuzendutako euskarazko literatura-lan hoberena aurkezten duenarentzat 5.000 €-ko sari bat izango da.

Lan horiek zientzia- edo teknologia-gaien presentzia izan beharko dute, betiere.

Zientzia-kazetaritzaren arloko lanen kategoria

Sari bat egongo da jokoan, 2.000 €-koa, eta 2010. urtean argitaratu diren kazetaritza-lanak aurkeztu ahal izango dira, edozein formatu eta generotakoak.

Erantzun

Twitter ikonoa  Facebook ikonoa  Sartu