Neskatan edo mutiletan egin, GPSarekin
Arrazoi asko egon daiteke maitemintzeko: nortasuna, itxura, umorea Baina telefono adimendunak agertu zirenetik, GPS eta guzti, badira beste bi: luzera eta latitudea. Kokapena ezinbestekoa da bihotz kontuetan orain. Halaxe erakusten digute zenbait aplikaziok, ligatzeko sortuak, geolokalizazioa erabilita.
Ikusi, bestela, zer gertatu zitzaien Scott Kutcher eta Amanda Segal gazte estatubatuarrei. Iragan martxoan ezagutu zuten elkar, Madison Square Garden kiroldegian zeudela, New Yorken, Jay-Z rap-kantariaren kontzertu batean. Han zegoela, Scott gazteak telefonoa hartu eskuetan, iPhone bat, eta Skout aplikazioa ireki zuen, jakiteko zer neska zebilen inguruan. Aplikazioak erakutsi zion argazki zerrenda bat, eta bertan agertzen ziren Scotten GPSaren erradioan zeuden neskak, hauek ere Skout aplikazioaren erabiltzaileak. Nesken artean, Amanda agertzen zen goren, neska polita, eta 300 metrora baino ez, GPSaren arabera.
Scottek mezu bat bidali zion Amandari, aplikazioa erabilita. Amandak pentsatu zuen Scott jostakina zela, eta gustatu zitzaion profileko argazkian zeraman kapela. Beraz, hitzordua egin zuten kafea hartzeko kontzertuaren ostean. Badaezpada, Amanda zenbait lagunekin joan zen: Serieko hiltzaile bat izan zitekeen, aizu!, dio orain, baina gustatu zitzaidan. Gaur egun elkarrekin irteten dira, eta uste dute neurri batean hori zor diotela Skout programaren filosofiari, maita ezazu zeure gertukoa.
Maitatu zure gertukoa
John D. Sutter kazetariak azaldu duenez, Skout, Grindr eta StreetSpark bezalako aplikazioak oinarritzen dira hurbiltasunean eta komenientzian, erabiltzaileen arteko harremanak hasteko. Ahaztu eHarmony eta Match.com bezalako zerbitzuek gauza bera lortzeko eskatzen duten informazio piloa eta bide luzea. Beste aplikazio hauekin, ordea, gauzak di-da gertatzen dira. Hori bai, denek ere bat-bateko mezularitza darabilte, benetako elkarrizketan sartu aurretik.
Nahiz eta urtebete baino ez duen, Skout aplikazioa lider bihurtu da esparru honetan. Milioi bat erabiltzaile baino gehiago ditu, 24 eta 25 urte artekoak gehienak. Grindr, berriz, gay komunitatean zabaldu da. Dagoeneko 900.000 erabiltzaile ditu, 162 herrialdetan. Oraingoz, Skout iPhonekin bakarrik dabil, baina bidean daude Android eta Symbian bertsioak. Grindr, ostera, iOS eta Blackberry telefonoetan dabil. Baita iPod Touch eta iPadetan, azken hauetan wifi bidez.
Erantzunak
Nik uste dut masa kritikoaren kontua dela. Tuentikoen belaunaldiak 5 urte barru izango duela smartphone bana, eta egongo dela orduan masa hori hemen (agian lehenago ere bai).
Argazkiak/lotsa ekuazioan, ez dakit Grindr eta horietan irudia ezinbestekoa den, baina argazkirik gabeko hurbiltasunezko txat moduko batek izan zezakeen bere erakarpena; kalean, toki publiko batean, pseudo-zita erdi-itsu bat horrela izatea ez dela hain konprometitua; kalean zaude zu, kalean dago bera; topo egitea normaltasunez har daitekeela (Joxek aipaturiko kasu horretan, karabinen laguntzarekin portzierto).
Luistxo ados. Hala ere bi aspektu: lehena, irudia horrelako zerbitzuetan klabea da, berez badira zerbitzuak argazkirik gabe ezin harpidetu zaitezkena. Hasierako kaixomaitia.com-en argazkiaren araberakoa zen salneurria, alegia, argazkia publikoa, pribatua eta argazkirik gabe salneurri ezberdina. Hau webgune batean ba tira, oraindik ere erreakziorako eta distantziako harremanerako astirik ba da, bai eta argazkia eskatzeko edo trukatzeko ere. Gertutasunean oinarritutako zerbitzu batean bapatekotasuna klabea da eta azken pausu hori emateko argazkia ia ezinbestekoa.
Bigarrenik tuentiko belaunaldikoei garbi dugu web bidezko harremanetarako webgunea nahiko soberan daudela(gu 30-45 adintartera zuzentzen gara)izan ere hauek (gazteek) tuenti edo beste sare sozialen bidez ligatzen dute eta badituzte baliabideak sarean behar dutena topatzeko. Smartphonen mundua ezberdina izan daiteke eta ziur zerbitzua hartzeko prest leudekela, baina beti ere publiaren truke gure ustez.
Gure gizartea aldatzen duen teknologia honen aurrean hartzen diren jarrerak aurreikustean datza denak. Arrakasta ez da tuenti, facebook edo twiter bat egitea, baizik eta orokorrean gizarteak jasaten dituen harreman "fisikoen" suzedaneo bat sarean sortzea, hori imajinazio eta bisio pixka bat izan da konpontzen da. Alegia iada tabernako "poteoa" ez bada egiten hori ordezkatukjo duen ordenagailuko ziberpoteo-mundukonpontzaile bat simulatzen duen foro edo notizia komentarioak egitea adibidez. baino alderantziz ere egin daiteke, alegia, existitzen ez duen harremanak sortzea "plataforma fiktizio" batetan, horrela sortu daitezke ezerezetik harreman mota berriak. Eta hori da harrigarriena, konturatu gabe txikiteotik "sustateora" (jajajaja) pasa gara, horretarako prestatu ere egin gabe, eta jakin gabe gu garen harramena zuzentzen dugunak edo erabltzen dugun aplikazio-sare sozialaren ezaugarriak diren.
kaixomaitia.com 1.400 harpidedun marka gertu dugularik hurrengo pausu estrategiko zein izango dugun hausnartzen ari gara eta zerbitzua gailu mugikorretara egokitutako aplikazioa eskuragarri jartzea da hauetako bat. Grindr zerbitzua ezagutzen genuen eta aztertu ere.. 3 urte luzetxo hauetan pilatutako esperientziak hala ere esaten digu, gure egungo bezerogoa oso lotsatia dela, webgunean argazkia jartzea asko kostatzen zaie esate baterako. Hori dela eta geoposizionamenduan edo gertutasunean oinarritutako zerbitzu mugikorrek Euskal komunitatean ze arrakasta izango luken geure zalantzak ditugu.
Zein da zure iritzia? Horrelako zerbitzurik euskaraz hartzeko prest zeundeke? Ordaintzeko prest, publizitatearen truke, dohainik soilik?
kaixomaitia.com