EAEn gehien oroitzen diren webguneak Eustaten arabera
Eustatek uztaila hasieran ikerketa bat argitaratu zuen EAEn gehien oroitzen diren webguneak zeintzuk diren zerrendatuz. Horrek ez du esan nahi webgune bisitatuenak direnik, baizik eta inkestak parte hartu dutenek boteprontoan gogoratu dituzten lehenengo webguneak horiek direla.
Interneteko ikerketa bat baino, publizitatean asko erabiltzen den teknika bat da, marken indarra neurtzeko. Ariketa egin dezakezue etxean, bulegoan... lagun batzuk elkartu eta bakoitzak pentsatu ditzala 3 freskagarri marka, 3 auto marka edo 3 tomate frijitu marka, esaterako. Markak ondo sartuta dauzkagu denok.
Interneten, berdin. Guztiz egia ere ez da izango, agian. Pornoa baldin bada Interneten gehien kontsumitzen duzuna, eta oroitzen duzun lehenengo webgunearen helbidea esateko eskatzen badizute inkesta baterako, agian ez duzu xtube aipatuko... baina galdetutakoek aitortutakoa aintzat hartuta, hauek dira da Eustaten arabera gehien gogoratzen ditugun webguneen rankinga:
- elcorreodigital.com
- hotmail.com
- diariovasco.com
- tuenti.com
- marca.es
- facebook.com
- youtube.com
- wikipedia.org
- kutxa.net
- elpais.es
Albistea Euskadi-Innovan ere atera dute, eta Eustatek bidalitako prentsa oharra daukazue hemen.
Erantzunak
Albistean ez dugu aipatu, prentsa ohar horrek honako aipamena egiten dio Googleri:
Euskal AEko Internet erabiltzaileen artean ia %98k "Google" bilatzailea erabiltzen duGoogle da Euskal AEko Internet erabiltzaileen bilatzaile kutuna; gainerakoak bazterrera bultzatu ditu. Kolektibo honen %97,6k, 15 urte eta gehiagoko 989.000 mila internautak baino gehiagok, Google dute erreferentzia; %1,4k Yahoo eta %1,0k besteren bat. Google-ren erabiltzaileak 2010ean lehen baino 48.800 pasa gehiago dira.
Agian bilatzaileak ranking horretatik baztertu dituzte.
bada egia izan edo ez, gezur erabatekoa ere ez da eta zerrenda hortan euskarak duen presentzia.... hutsaren hurrengoa da tamalez !
posta elektronikoa edo sare sozialak euskaraz ere erabiltzerik badago, baina ez legoke txarto hamar lehenengoen artean euskarari errespetu gehixeago dion izenen bat agertu izana...
tamala.
/cache/Udako-Ola-2024_1_small_content.jpeg)
Gaizki egindako beste inkesta bat. Jende gehienak erabiltzen duen orria, dudarik gabe, google da eta hor ez da agertu ere egiten. Pornoa bilatzeko ere balio du!