Teknofiloen albistegia
6

Iñaki Arregi Ihartza, euskaltzalea, hil da

Erabiltzailearen aurpegia
UEMA
2010-06-08 : 15:06

Egun tristea da gaurkoa euskaltzaleontzat. Izan ere, Iñaki Arregi Ihartza euskaltzalea, eta hainbat urtez euskararen alde lan egin duen lankideak utzi egin gaitu. Gaur goizean hil da, gaixotasun larri bati aurre egiten urtebete eman ondoren. Sorreratik UEMAren koordinatzaile izan dena gaur goizaldera hil da.

Bere gorpua Berriatuko tanatorioan egongo da, gaur arratsaldez 17:00etatik 20:00etara eta bihar goizez, 11:00etatik 13:00ak arte. Ostegunean, 19:30ean egingo zaio azken agurra Markinako udaletxe zaharreko aretoan.

Sorreratik UEMAko koordinatzailea izan denari, larunbat honetan Mallabian ospatuko den UEMA egunean ere egingo zaio omenaldia.

Erantzunak

Jon Abril
2010-06-09 : 00:09

1997an ezagutu nuen Iñaki, UEMArako komunikazio lanak egiten niharduela. Beti lanerako prest, umoretsu, alai, konprometitu. Iñaki joan zaigu, baina sekulako lana utzi digu. Mila esker, Iñaki, egindako guztiagatik. Besarkada bat.

Sustatu
2010-06-09 : 11:50

Larunbatean izango den UEMA Egunari buruzko informazio gehiago hemen. Irudian duzue programa: ez da ageri Iñaki Arregiri egin beharreko omenaldia, aurkituko diote tokiren bat jakina.



Argazkiak.org | UEMA Eguna 2010 © cc-by-sa: sustatu


Bermeo uematik kanpo
2010-06-09 : 11:54

Zeinen beharrezkoa dugun eremu euskalduna, zeinen beharrezkoa dugun Iñaki, eta nola ari garen hiltzen, eta nola itotzen gaituzten, eta nola izango den euskara okasio batzuetan erabiltzeko hizkuntza soila, eta nola ez dakigun horri aurre egiten...GORA IÑAKI!

JJ Agirre
2010-06-09 : 13:46

Badira sekula amore ematen ez dutenak. Horietakoa izan da Iñaki. Eta gertukoa, zabala, langilea... Sekulako hutsunea utziko du. Ezinbestekorik ez omen dago baina...

Bidaia on, Iñaki

Angel Bidaurrazaga
2010-06-09 : 14:52

Iñakirekin behin bildu nintzen Osakidetzaren euskara plana dela eta, UEMAren izenean etorri zen eta argi zituen irizpideak euskara sustatzeko Osasun arloan. Orduko Jaurlaritzak ez zion (zigun) kasurik egin eta egin duten euskara plan eskasa eta lotsagarria, oraingokoak lotzagabe kendu dute arazorik gabe.


Iñaki bezelakoak balira gure egintariak beste bat izango zen gure egoera, eta bitartean berak egindako lanari oztopoak jartzen udal batzuetan...


Mila esker Iñaki zure ereduagatik.


Sustatu
2010-06-10 : 17:14

Xabier Isasik artikulua idatzi du Arregiren inguruan Berrian. Ermua aipatzen du Isasik, Arregiren jaioterria, nola aldatu zen soziologikoki hura haurra zenetik... Markos Gimeno ermuarrari ez zaio gustatu enfoke hori: Ermua=España klixea errepikatzen omen du Isasik.


Erantzun

Twitter ikonoa  Facebook ikonoa  Sartu