Aramaioko gaztetxoekin txantiloiez margotzen
Larunbatean Aramaioko San Martin eskolako jaia zela eta, joko eta tailerren artean, txantiloiak (stencilak) erabiliz hamar urte inguruko ikasleek bertako horma bat margotu zuten. Tag kutre eta bestelakoekin itsusitutako horma bati bizi berri bat eman, txantiloiak eta sprayak erabiltzen apur bat ikasi bakarrik ez, bide batez horma hori beraiena ere badela erakutsiz.
Hasierako txantiloiak mozteko nagikeriak alde batera utzi (sprayez zuzenean ekitea nahiago zuten), aurrez prestatutakoak moztu eta gero bakoitzak aukeratutako tokian eta kolorez margotzera animatu ziren. Hori bakarrik ez, azkenerako, baten batzuk momentuan beraiek diseinatutako eguzki, odei, etxe eta zuhaitzak ere hormaratu zituzten, bakoitzaren toketxoa emanez.
Beraien gogo eta lanarekin, guraso batzuen laguntza ahaztu gabe, horma txukun bat utzi eta guztiok arratsalde on bat pasa genuela uste dut.
Argazkiak: Creative Commons Aitortu Ez Merkataritzarako © cc-by-nc: baimenarekin, X10
Astero-astero laguntza eskean datorkigun Mungiako neska ustez martxosa horren problema zein da?