Bi astean behin euskarazko dokumental bat gehituko dugu argia.com/multimedia/dokumentalak helbidean. Dokumental guztiak euskaraz ala euskarazko azpitituluekin izango dira. Paratuko ditugun lan gehienak lizentzia libreekin egindakoak izango dira, edo egileek espresuki baimena emanda jarritakoak. Honela, sareko euskarazko dokumentalen biltegi izateaz gain, euskarazko dokumentalez gozatu nahi dutenen erreferentziazko gune bilakatzea da helburua.
Aipamen berezia egin behar zaie Eguzki Bideoak kolektiboak egindako bideoei, beren katalogoa digitalizatzearekin batera, lan guztiak ARGIA.com-en ikusteko aukera izango baita. Oraingoz hiru dokumental daude ikusgai:
Hilabete bakoitzaren lehen egunean eta 15ean joango gara lanak argitaratzen. Hurrengoa: Itsasoaren Alaba.
Nik ARGIA.com-eko bideoak telebistan ikusten ditut "mediacenter" batez baliatuz.
Norbaiti interesatzen bazaio, XBMC aplikazioa erabiltzen dut eta "tvalacarta" plugina. Plugin honetarako "Argia Multimedia" kanala garatu nuen duela aste batzuk bertako bideoak ikusi ahal izateko.
Garatzaileak dio hurrengo eguneraketan sartu...ko duela. Momentuz norbaitek erabili nahi badu hemendik deskargatu dezake:
http://mimediacenter.info/foro/viewtopic.php?f=10&t=435&sid=71af8cd3f8b24dbc4030aebe3857828c
Berria.info-ko bideoak ikusteko beste kanal bat ere jadanik prest dago hurrengo "tvalacarta" pluginaren eguneraketarako.
Info gehiagorako:
- http://xbmc.org/
- http://blog.tvalacarta.info/plugin-xbmc/tvalacarta/