Teknologia albisteak

Mola jeneralaren galtzontziloak

I. Murua Uria

2010-05-18 : 13:05

Mola jeneralaren barrengo arropari buruzko esklusiba argitaratu du Urola-Kostako Hitzak, historialarientzako datu berri bat, Zestoako Bainuetxean 38 urtez lanean aritutako Manuela Egañari egindako elkarrizketan. Izenburu polita atera du Olatz Prat kazetariak:

"Neuk garbitu nizkion pusketaka jositako galtzontziloak Mola jeneralari"

Elkarrizketako azken erantzunetik moldatu du izenburua. Bainuetxera izen handiko jendea joaten ote zen galdetu dio kazetariak:

"Jende asko etortzen zen, bai. Mola jeneralaz gogoratzen naiz. Hari nik garbitu nizkion galtzontziloak. Gainera, ez pentsa berriak zituenik, pusketaka jositakoak zituen!