Euskarazko lehenengo Lip Dub lanak egin dituzte
Martxoan eman genuen lehiaketaren berri Sustatun eta iritsi dira euskarazko musikaz egindako lehenengo Lip Dub bideoklipak sarera. Edonork har dezake parte lehiaketan eta uztailaren 19ra arte du lana egiteko aukera.
Eibarko Lio Dub lehiaketan aurkeztutako lehen bi bideoak hasi dira emaitzak ematen. Bien artean 700 bisita jaso dituzte lehenengo 24 orduetan eta Youtuberen Espainiako rankinean sartu dira horrela: Eibarko Euskaltegikoek egindako Lip Duba Espainia osoan aisialdi bezala sailkatutako bideorik bozkatuena izan da, eta Eibarko La Salleko ikasleek egindakoa Lip Duba (ordu gutxiago daramatza sarean) sailkapen bereko 4. postuan geratu zen atzo.
La Salleko ikasleen lanak, 630 erreprodukzio izan ditu Tuenti sare sozialean eta dagoeneko beste 1.200 lagunek jaso dute gonbidapena, partaideek sortu duten Tuentiko ebento baten baten bitartez. Udan azaldu zen Sustatun nola erabiltzen diren Tuentiko ebentoak mezuak hedatzeko.
Lip Dub lehiaketak irekita jarraitzen du: aurkezteko egin beharrekoak eibar.org/lipdub webgunean datoz zehaztuta. Facebooken ere badago lehiaketaren berri izateko zale orri bat. Lanak Youtuben eskegitzen dira, eta bertako erabiltzaileek 3 finalistak zeintzuk diren aukeratuko dute bere botoen bitartez.
Lip dub musikazko ikus-entzunezkoa da, azken boladan moda-modan jarri dena. Urtarrilean Sustatuk eman zuen Euskal Herrian egindako lehen Lip Dubaren berri. Bideo hartan, baina, Cooperren gaztelerazko kantu bat erabili zuten. Oraingo honetan euskarazko musikarekin egindako lehen Lip Dubak dira hauek. Lehiaketaren berri emateko atal bereizi bat sortu dugu Eibar.ORG webguneren baitan.
Erantzunak
Guztira 5 lan aurkeztu dituzte Lipdub lehiaketara eta 5 horien artean 3 finalistak aukeratzeko azken egunak dira orain, bazken eguna astelehena izango delarik. Botoak emateko Youtuberen sistema erabili behar da. Aurkeztutako lan guztiak Eibar.ORG-ren Youtube kontuan daude (youtube.com/eibarorg).
Sentitzen dut, baina bigarrena (betagarriren abestia erabiltzen duena) ez da lipdub bat, "abesten" ez dutelako (hona hemen wikipediatik ateratako definizioa hau azaltzeko):
Ikus-entzunezkoaren audio gisa abesti ezagun bat harturik, eta bideokamera mugikor bat harturik, filmatzaileak ibilbide bat egiten du eraikin batean barrena (unibertsitate batean askotan), ibilbidean zehar topatzen diren gazteek abestiaren hitzak ezpainez (lip) jarraitu eta dantzaz antzeztu egiten duten bitartean.
/cache/Udako-Ola-2024_1_small_content.jpeg)
Beste lan bat aurkeztu dute Eibar.ORG elkarteak antolatutako Lip Dub lehiaketara. Hona bideoa: