Edurne Pasaban eta Oh Eun-Sun lasterka ari dira ea nor izango den 14 zortzimilakoak egiten lehena. Annapurnako magalean dago Oh Eun-sun, eta egokitzen bada, baliteke azkar jotzea mendian gora: igande honetan ere bai, batzuek aipatu dutenez. Annapurnara igo berritan, Sisha Pangma iganderako ezin du lortu Pasabanek, baina bertaratzen denean, laster ekin ahal izango dio gailurrari, altuerara egokitua baitago. Bitartean, Pasabanek berriro zabaldu du susmoa Oh Eun-Sun-ek ez dituela egiazki aurreko tontor guztiak zapaldu.
Oh Eun-Sun-en 13. zortzimilakoa Kangchenjunga (8.586 m) izan zen, iazko maiatzaren 6an. Haren ondoren zabaldu ziren zenbait susmo:
Datu hauek iazko abenduko informazio honetan ageri dira. Baina hor dago, halaber Oh Eun-Sun-en gezurtapena:
ETBk Edurne Pasabanen adierazpen hauek zabaldu zituen atzo, baina irudiak ez dira oraingoak Nepalgoak, baizik eta Madrilen martxoaren hasieran grabatuak. Zera dio Pasabanek bideoan:
Zenbait gailurretan argazkirik ez dauka, eta dituen argazkiek ez dute gureekin kointziditzen edo bat egiten. Berak Kangchenjungako gailurra esaten duena, desberdina da geuretik total. Hor duda handiak sortzen dira.
Adierazpen horiez gain, beste blog honetan berriagoak zabaldu dituzte, eta Pasabanek dio horietan korearraren sherpek baieztatu dietela Kangchenjungan tranpa egon zela.
Annapurnako kanpamendu batean, behintzat, topo egin zuten euskaldunak eta korearrak, eta elkarrekin gustura egon zirela ematen du. Argazki hauek Edurne Pasabanek berak zabaldu ditu bere webgunean.
Ez da batere sanoa ematen ari diren espektakulua. Goi mendia serioa da, baldintzak ez dira jolaserakoak eta Edurne eta bere taldeak berak hartu dituen zenbait erabaki ere seriotasunetik zenbateraino dauden gertu zalantzan jar daiteke (baimenik ez zutela eta azken gailur bi hauen ordena aldatzea, esaterako).
Benetan mendia bada maite dutena igo dezatela biek elkarrekin eta eman dezatela bakea, baina horrela arituta Belen Esteban eta Campanario dirudite.
Egiten duenari meriturik kendu gabe, esaten dituenengatik asko galtzen du Edurnek. Osorik itzul dadila, bai, baina niretzat ez dago euskal mendizale onenen artean. 14 igo, 22, ala bat ere ez. Hil dira hobeak.
Oh Eun-Sun-en errugabetasuna mantentzen, esango dut, egiaztatu behar direnean ekintza batzuk, aurkeztu egin behar dira zihurtagiriak, kasu honetan argazkiak, hitzak haizeak eramaten ditu eta mendian are azkarrago. abisua oh andreari gezurrak ongi montatu behar dira, harrapatua ez izateko. Zuk gaizki montatu dituzu lehengoa izateko, Tranpatiak zigortuak izan bir dira
Goian Aitorrek aipatzen duen azken bi saioen ordena aldaketa Txinak Sisha Pangmara hurbiltzeko baimenak atzeratzearen ondorioz gertatu zen. Maiatza baino lehen Tibetera sartzeko baimenik ez ematea erabaki omen du aurten Txinak.
Horren ondorioz, lehenago Annapurnara joatea erabaki zuten, eta horretarako baimen aldaketa negoziatu zuten Katmandun, Nepalgo hiriburuan, jaieguna izan arren.
Aldaketa gertatu ez balitz, mendizale euskaldunak Sisha Pangma igotzea lortu izan balu honezkero (aurrikusitako egutegiaren arabera), 14. zortzimilakoa lortzeko lehian mendi berean egongo lirateke orain Pasaban eta Oh, biak Annapurnan.
Niri bost axola nor izan den lehena.
Izan ere, Oh Eun-Sun eta Pasaban bereizten duen gauza bakarra Korear hori gezurti bat izan daitekena da.
Azken finean Himalaya, besteen mirezpenaz bere Ego asetzeko, ikuslehioa bihurtu duten alpinista harroputz eta nartzisista hoietakoak dira.
Nire ustez honek zer ikusi gutxi dauka benetako mendizaletazunaz; ta lastima ematen du, lehen gizonezkoena bakarrik zen bide antzu horretan, orain emakume euskaldun bat ikustea. Ez dut uste emakumezkoen berdintasuna aldarrikatzeko bide egorkirik denik.
Eta hau guztia gutti balitz, batzutan, beste oinarrizko beharrei ukatzen zaie dirula-guntza publikoarekin! Lotsagarria!!
bada ez dakit ziur zergatik den eta Edurneri naiz Oh Eun-Suni inongo meriturik kendu gabe, niri bost nor nagusitzen den mendiari berari hain arrotz zaion lehia zentzugabe horretan.
mendizaletasuna ez da atletismoa eta mendiko laisterketen antza eman nahi badiete goi mendiei, ez dute nire babesik izango.
orain arte eginak dituzten 26 8.000koetan zenbat kilo zabor laga (edo jaso) dituzte bi neska horiek eta eurekin doazen taldeek? zenbat pertsonako taldeak dira? zenbat sherpa tartean?
uste dut Endesak ongi aukeratu duela Edurne eta berak ongi egin duela aukera baliatzen. baina nago zirku horri adi egongo diren gehienek ez dutela mendia ezagutzen edo maitatzen. gehientsuenei Edurneren pasaportearen kolorea da axola zaien bakarra. alegia, Edurne angelukoa balitz ez lioketela inongo jaramonik egingo. eta messner nor den ere ez dakitela.
Ez dakit arrazoia duen ala ez Edurnek baina kontu honek hartu duen itxura ez zait ezer gustatzen. Korearraren gailurren inguruan dudak dituela? Argi ditzala dagokion toki eta garaian.
Komunikabideetan halako kexak zabaltzean ez dio bere irudiari inolako mesederik egiten. Eta korrearrak inolako tranparik egin ez duela frogatzen bada? Nola gelditzen da Edurneren sinesgarritasuna eta irudia?
Pena ematen dit, ez dut uste munduko 14 zortzimilakoak igotzen lehen emakumea izateak Edurneri halako plus-ik suposatuko liokenik. Ez behintzat gure begitan, meritu izugarria baitu egiten ari den balentriak, lehena ala hogeita hamazazpigarrena izan. Baliteke berak historian sartzeko grina izatea hori izatea (ea hala den!), baina horretarako halako zalaparta piztea ere ...
Animo eta zorte on Edurne!