Carlos Agirre sailburuak (Idoia Mendia barne?)
Euskadiko Ekonomia eta Gizarte Arazoetarako Batzordeak hitzaldia antolatu du biharko, Carlos Agirre Eusko Jaurlaritzako ekonomia sailburua delarik gonbidatua. Gonbidapenean H bat jan diote hausnarketari, baina deigarriagoa iruditu zaigu Agirreren pertsonalitate plurala: Ekonomia eta Ogasuneko sailburuak, biak batera. Idoia Mendia eta Carlos Agirre sailburuen pertsonalitate bikoitz edo bakunaz jardun izan dugu Sustatun lehenago ere...
Idoia Mendia eta Carlos Agirreren antzekotasunez... otsailean agertu ziren hauek Sustatun. Lehena Twitterren irakurria, eta bigarren irudia Sustatuzale batek utzitako erantzuna.
Bien nahasketa:
Biharko hitzaldiari dagokionez, tokiaren berri badakigu (Euskalduna jauregia, Bilbon, A-4 aretoa), baina ordua ez, ez da ageri gonbidapeneko irudian, eta ez dugu aurkitu EGAB-en webgunean.
Erantzunak
EGABen webgunean begiratu duzue? Komenigarriagoa da CESen webgunean begiratzea. Izan ere, euskarazko azken berria martxoaren 24koa da. Gaztelaniazkoan, berri hori martxoaren 23an sartu zuten eta, gainera, apirilaren 13ko data duen beste albiste berriago bat ere badago. Baina ez pentsa CESekoek astirik izan ez dutenik apirilaren 13ko Elección del nuevo presidente del CES vasco berriaren 294 berbak euskaratzeko. Euskaratu, euskaratu zituzten, aukeratu eta egun bira, apirilaren 15ean igorri zuten prentsa-oharrean. Harrezkero joaniko astean ez dute astirik izan albistea euskarazko gunean kargatzeko. Alegia, EGAB beharrean GABE beharko luketela...
Batzuen ustez, euskaraz ergatiboarekin sinatu beharko litzateke, abizenaren edota karguaren ondoren -k jarrita. Ikus Patziku Perurenaren gutun hau
Gorrik
Dagoeneko Yodak bete du Mitxelena XVI.aren agindua. Twitter bidez egin ere.
Nik uste ergatiboan jarri nahi izan dutela izena, MitxelenaXVI.aren beldurrez seguraski.