Teknologia albisteak

Euskararen Jatorriaren V. Biltzarra: Euskal Toponimia

Euskararen Jatorriaren Biltzarra

2010-04-17 : 10:04

Maiatzaren 15ean, Bizkaiko Arteaga herrian, Euskararen Jatorriaren V. Biltzarra ospatuko da. Lau biltzar egin eta gero, aurtengoak toponimiaren gaia izango du hizpide. Toponimia hizkuntzalaritzaren barruan duen garrantzia azpimarratu nahi dugu biltzar honetan, beraren bidez, orain milaka urte sortu ziren berben esanahia ulertuz, hizkuntzaren sorrera aditzeko gakoak eskuratu ditzakegulako. Baina lehendabizi euskal toponimia ezagutzea beharrezkoa da, bai Euskal Herrian kokatuta daukaguna baita kanpoan ere.

Bi hizlari izango ditugu goizean horietaz aritzeko: Luis Mari Mujika, batetik, Araba, Errioxa eta Burgosko euskal toponimiaz arituko da, azken urteotan egin dituen bilketa lanetan oinarrituta. Ondoren Bienvenido Marcaray Huescako ikerleak penintsulan dauden toponimo iberiarretan oinarrituta, iberiera hizkuntzaren interpretazioaz jardungo du. Ondoren, Euskal Herritik kanpoko euskal toponimiari buruzko mahai ingurua izango dugu.

Arratsaldean Santimamiñe kobetara bisita izango da. Ondoren, mahai inguru irekian, Euskal Herriko herrialdeen eta hiriburuen hitzen esanahiaz hitz egingo dute ikerleek eta, amaitzeko, Iruña Veleian azken urte honetan izan diren gertaeren garrantzitsuenak eskainiko dizkigu horretan aritzen den Martin Elexpuruk.

Egitaraua

09:45 Harrera, akreditazioa eta liburuen erakusketa
10:00 Agurra eta aurkezpena
10:10 Luis Mari Mujika: Araba, Burgos eta Errioxako euskal toponimia
11:00 Bienvenido Mascaray: Interpretación de la lengua ibérica
12:00 Atsedenaldia
12:30 Mahai ingurua: Euskal toponimia Euskal Herritik kanpo
14:15 Bazkaria
17:00 Bisitaldia: Santimamiñeko kobak
18:15 Mahai ingurua: Euskal Herriko zazpi herrialde eta hiriburuen toponomiaz
Gonbidatuak: Josu Naberan, Felix Zubiaga, Luis Mari Mujika, Bienvenido Mascaray
19:15 Martin Elexpuru: Azken urte honetako bilakaera Iruña Veleian auzian
20:00 Biltzarraren amaiera

Izen ematea

Biltzarraren lekua: Arteagako Kultur Aretoa (Busturialdean, Gernikatik 8 km-tara)
Izena emateko: euskararenjatorria@gmail.com.
Ekarpena: 45 euro (bazkaria eta Santimamiñeko bisita barne). Ikasle edo langabetuak: 30
Euskadiko Kutxa: 3035 0038 91 0380081747 (jarri izen-abizena+eposta)
Aurreko biltzarrei buruzko informazioa: www.euskararenjatorria.eu