Arnasaldi bat bai, Kit Kat-ik ez!
Greenpeacek kanpaina berri bat martxan jarri du Nestleren bidegabekerien aurka. Oraingoan Kitkat produktuarekin bideo ikusgarri eta gogor bat egin dute.
Nestlek txokolatea egiteko palmondo olioa erabiltzen du eta olio hori (soja olioaren ondoren gehien produzitzen dena) lortzeko Indonesiako azken baso tropikalen ustiapen basatia egiten ari diren enpresei erosten diete.
Nik garbi daukat, Kit Kat-ekin ez dut gehiago arnasaldirik hartuko.
Erantzunak
Guatemalan ere, Peten departamenduan, Sayaxche herriaren inguruan hain zuzen, afrikar Palma sailak landatzen ari dira etengabe,jatorrizko oihana desagertaraziz.
Palma afrikarretik Olmeca olioa eta era guztitako grasak eskuratzen dituzte.
Ez dakigu seguru Nestleri saltzen dieten, baina seguru dakiguna da sekulako sarraski ekologikoa, soziala eta humanoa eragiten ari direla.
Narkoen laguntzarekin, poliziaren konplizitaterekin, eta bertako zenbait nekazariren itsukeriarekin, lur sailak erosi, oihana garbitu, palma landatu, langileak kontratatu, eta esplotatzen dituzte, euren seme alabentzako pobreziaren heredentzia lagaz.
Eta hori guztia bertatik bertara bizi izan dugu egun hauetan. IGER elkartekoen laguntzaz, Sayaxche inguruak bisitatu ditugu, eta han jaso dugu sarraski honen berri.
Sailen dimentsioa erakusteko asmoz, errepide gainetatik grabatzen saiatu ginen, baina seguritate kontrolen beldur, kotxetik bertatik grabatu gendun, grabatu gendun apurra. Han ez dira txorakeritan ibiltzen.
Palma afrikarra zer den ikusi nahi dunak, beraz, hementxe ikusi ahal izango du.
Hemen duzue nazioarteko kanpainaren esteka.n
Produktu ospetsua da KitKat, Facebooken ia milioi erdi zale ditu, Nestlek berak baino dexente gehiago. Baina Nestlek orangutanak lagun ez dituen bezala, badirudi ez duela intentziorik bere zaleen lagun ere izateko.
Facebook orrian eztabaida piztu du eztabaida piztu du zaleei eraldatutako logoak erabiltzea debekatu izanagatik. Facebook orrian eraldatutako logotipoa erabiltzen dutenei mezua ezabatuko dietela iragarri du Nestlek. Erabiltzaileek desadostasuna erakutsi dutenean Nestletik erantzun dute euren orria dela, eta eurek jartzen dituztela hor arauak.