Joxemari Mendizabal aizkolaria hil da Olasagastirekin lehian saiatu ondoren
Joxemari Mendizabal aizkolaria gaur arratsaldean hil da goizean Joxemari Olasagastirekin apustua egiten saiatu ondoren. Tolosan zuten erronka bi aizkolariek, baina ez dute burutu: gaizki sentitu da Mendizabal eta erretiratu egin da. Geroago, bihotzekoak emanda hil da.
Joxemari Mendizabal Adunakoa zen eta 63 urte zituen. Bere aurkaria gaur, Olasagasti, Igeldokoa da, eta 51 urte ditu. Mendizabal 20 urtez egon da lehiaketatik urrun, beste aizkolari beterano batzuk ez bezala.
Tolosan zuten gaur apustua, 12.00etan, 6.000 euro jartzen zituen bakoitzak. Eta erronka berezia zen, kanako launa enbor moztu bihur zituzten, bertikalean jarrita. Kanak 79,6 cm ditu diametroan, 2,5 metro zirkunferentzian.
Erantzunak
Eskerrik asko zuzenketagatik Estepan. Oker geneukan, kanak 2.5 metroko diametroa zeukala idatzita. Esajerazio handia, wikipedian begiratu izan bagenu jakingo genuke.
Mendizabalek halako hiru enbor moztu zituen atzo, eta nekeak jota bere kabuz irten zen plazan azkenari ekin aurretik. Gero izan zuen bihotzekoa.
Argiak 1983an elkarrizketa nagusia eskaini zion Mendizabali. Ikusi hemen
Orduan elkarrizketatu zuten kazetari gazteei (ai, denek ez-izenez sinatzen zuteneko garai haiek!) zaharra irudituko zitzaien gizona. 27 urte eta gero hil da, apostu baten erdian.
Pello.
Albistearen muinari ez badagokio ere, zuzendu beharrekoa da azkeneko esaldia. Kanak, wikipedian datorrenez, 79,6 cm ditu. Kanako enborrak gerri-bueltan duena, zirkunferentzia, da 2,5 m. Doluminak familiari eta herri-kirolaren munduko guztiei.