Taberna tipikoen eraldatzea kebab jatetxeetan
Kebab hanburgesa turkiarrak lehenago ere aipatu ditugu Sustatun, baina ez genuen aipamenik egin kebab jatetxeen euskal-taberna itxuraz. Gasteizko Alde Zaharreko baten irudia da honakoa:
Eta Gasteizkoa ez da bakarra. Horrelako dozenaka kasu aurki ditzakegu Euskal Herriko kaleetan. Beste hau Ermuan Gari Araolazak ikusia:
Jatorrizkoa: Creative Commons Aitortu © cc-by: Gari Araolaza
Tramite garestia eta astuna omen da negozio bati izena aldatzea. Seguraski horrek bultzatuta mantentzen dituzte Euskal Herriko jatetxe askok lokalean lehenagotik zegoen negozioaren izena. Elgoibarren bestelako kasua bazegoen: Euskal Doner Kebab izeneko jatetxea, baina ez dugu argazkirik aurkitu eta jatetxe hori itxita dago gaur egun.
/cache/ipuskoaBanerra2Handia1_small_content.jpg)
Elgoibarko Euskal Doner Kebab horren irudirik ez dugu lortu, baina lagun batek Gasteizen ikusitako Eusko Kebab jatetxearen argazki bat utzi digu.
Argazkiak.org | Eusko kebab © cc-by-sa: sustatu
Gasteizko Cuchilleria kalean dago Eusko Kebab jatetxea. Jatetxe horren beste argazki bat hemen.