Teknologia albisteak
Nafarroako bertsolari txapelketako finala
Sustatu
2010-03-19 : 09:03
Ez dago sarrerarik Lesakan martxoaren 20an larunbatarekin izango den Nafarroako Bertsolari Txapleketako finalerako. Baina 17.00etatik aurrera, Internet bidez Bertsoa.com-ek zuzenean eskainiko du finala, Info7 irratiarekin elkarlanean.
Agin Rezolak zuzenduko emanaldia Bertsoa.com-eko eta Mikel Altzuar bertsolaria izango du komentarista.
Zortzi bertsolari arituko dira biharko finalean, eta hortik irtengo da txapelduna.
Horra finalaurreko sailkapena:
- Arkaitz Goikoetxea Arriola: 415 (Atarrabia)
- Julio Soto: 421 (Etxarri Aranatz)
- Xabier Legarreta Arano: 404.5 (Irurita)
- Estitxu Arozena Albizu: 397
- Oskar Estanga: 392
- Xabier Terreros: 390.5
- Eneko Lazkoz: 387.5
- Julen Zelaieta Iriarte: 385.5
Info7 irratia Interneteko irratia da, ezer izatekotan.
Euskal Herriko edozein txokotan, eta munduko edozein euskaldunek antzuteko modukoa.
Bertso txapelketekin, bere lekua bilatu du... besteek eskaintzen ez dutena, eskaini nahi dutena, ezin eskaini dezaketena emanez entzuleari.
Medio ezberdinak batu eta batera gauzak egitea ere ederra da. Horregatik bertsoa.com eta infozazpiren esperientzia interesgarria da, aurretik Argiarekin egin zutenaren antzera.