Greziako neurri ekonomikoak

Greziako Estatuak bere defizita txikitu beharra dauka, bestela zorrak kitatzeko kargek porrotera eraman behar baitute. Azken asteetan hori lortzeko iragarritako neurrien artean, hauek daude:

• Funtzionarioen urteko 14 soldatetik bat ezabatu egingo dute.
• Dagoeneko, funtzionarioek dituzten soldata-osagarrietan izandako %10eko mozketak hilabete oso bateko beste soldata baten murrizketa ezarri dutela diote sindikatuek.
• Pentsioak izoztu egin dituzte.
• Enpresa publikoetako exekutiboen gehienezko soldata ezarri da: 5.000 euro hileko (ministroen berdina).
• Enpresa publikoetan, hainbat mozketa, adibidez erregaia merkeago lortzeko dutena, edo pentsio-fondoetan Estatuak ematen zuen diruan.
• BEZ zerga igo da, ohiko produktuetan %19tik %21era; inprimatutako lanetan (liburuak, prentsa) %4.5etik %5era; eta jaki eta botiketan, %9etik %10era.
• Gasolinan, 3 eta 10 zentimo arteko zerga berriak litroko, erregai motaren arabera.
• Elektrizitate fakturetan, megawatio orduko tasa berria, 5 eurokoa.
• Zigarroen gaineko zerga, %63tik %65era igoko da.
• Edari alkoholikoen zerga %20raino igoko da.
• Luxuzko gaien gaineko zerga berria, eta hau aplikatuko zaie 35.000 euro baino garestiago dien automobilei, helikoptero pribatuei, etxeko eskulan luxuzkoei, harribitxi eta metal preziatuei, eta larruzko jantziei.
• 500 milioi euro gutxiago aurtengo aurrekontuko inbertsioetan.
• 200 milioi euroko gastu murrizketa Hezkuntzako aurrekontuan.

Goian Espainiako eta Greziako langabezia tasak gonbaratu ditugu. Hona beste koadro bat, 25 urtetik beherakoen langabeziarena:

Agian han norbaitek esan dezake, Guk euri badugu, izango duzue ihintz.