Txikiak baina ez eskasak

Orain dela aste bat 172 argazkiz osaturiko bostna argazki bilduma GureGipuzkoara igotzeari ekin geniolarik, bildumen informazioa osatu eta katalogatze lanak bukatu berri ditugu. Katalogatze lanetan Dantzan.com atariko Oier Araolaza eta SudOuest egunkariko Marcel Bedaxagar kazetariaren laguntza ikaragarri baliagarria eskuratu digute: MILESKER!!!

Aipaturiko bost bilduma hauek, Javier Garayalde kulturzale donostiarrak 1971 eta 1972. urteetan atera zituen eta modu publikoan lehen aldiz ikusten direla esateko moduan gaude. Tartean altxor preziatuak dituzue. Aipatzekoak Ez Dok Amairu taldeak  eta Argia Dantza Taldeak Donostiako Trinitate plazan 1971. urtean Euskal Jaien inguruan emandako ekitaldienak, eta 1972. urtean Altzürüküko gazteek Mendikotan egindako maskaradena, tartean Pierre Bordazarre, Etxahun Iruri xirulari lanetan ikustea dugularik.

GureGipuzkoa.net | Altzürüküko maskaradak Mendikotan © CC BY-SA: Javier Garayalde
Egokiena zuzenean bildumak ikustea dezutenez, zerrenda kronologikoa hauxe duzue:

• Ez Dok Amairu 1971


GureGipuzkoa.net | Benito Lertxundi © CC BY-SA: Javier Garayalde

• Otsagabiako makildantza 1971


GureGipuzkoa.net | Makildantza Blankoa plazan. © CC BY-SA: Javier Garayalde

• Argia Dantza Taldea 1971


GureGipuzkoa.net | Inauterietako dantza-luzea © CC BY-SA: Javier Garayalde

• Goizaldi Dantza Taldea 1971


GureGipuzkoa.net | Goizaldi Dantza Taldea: gizon-dantza © CC BY-SA: Javier Garayalde

• Altzürüküko maskaradak Mendikotan 1972


GureGipuzkoa.net | Altzürüküko zamaltzaina Mendikotan © CC BY-SA: Javier Garayalde

Bilduma bakoitzak blog honetan berezko sarrera merezi badu ere, Dantzan.com atariko lagunek aurreratu zaizkigu eta zenbait ohar zinez aberasgarri egin dituzte jada bilduma hauen inguruan. Aipatzekoak dira Argia Dantza Taldeari eta Altzürüküko gazteek Mendikotan egindako maskaradei eskainitakoak.

Bilduma hauek guztiak CC-BY-SA baimenpean eskuragarri dituzue, noski.