Atezainaren golak eman dio garaipena Realari
Claudio Bravo Realeko atezain txiletarrak garaipenaren gola sartu du gaur Realarentzat, falta jaurtiketa batean. 1-0 irabazi dio Realak Nastic-i. Gola sartu duen atezain euskaldunik ere badago, Jose Inazio Garmendia villabonarrak Eibarrentzat sartu zuen gola, atetik atera esateko, Pontevedraren kontra 1988an. Hemen itsatsitako bideoa, zaletu batek grabatu du Anoetan.
Realaren partiduaren kronika, taldearen gune ofizialean.
Golak sartzen inon atezainik nabarmendu bada, Rene Higuita kolonbiarra da hori. Joan den urtarrilean erretiratu zen, azkenik, 43 urterekin. 44 gol sartu izan ditu partidu ofizialetan, Wikipediaren arabera. Higuita eskorpioi esaten dioten geldiketa moduagatik ere ezaguna da.
Hemen bideo batzuk, Higuitaren golekin eta eskorpioi geldiketekin.
Erantzunak
Gola errekipenean ikusi dot. Bitxia dana da atezaina partiduaren lehen partean errematera joaten ikustea, falta bat,<
Normaloagoa da, ikusiagoa daukagu, atezaina ere partiduaren amaieran, bigarren zatiko 44-49 minutuan errematera joatea, berdinketa edo garaipenaren gola sartzeko, azken ahaleginean, baina ez lehen zatiko 40 minutuan.
Higuitari buruz,
eskorpion barik Higuitak baloiak aldentzeko era hori orpoz da. edo nahi bada lupuen antzera baloia aldentzea.
Wikipediatik hartuta, http://en.wikipedia.org/wiki/Ren%C3%A9_Higuita ...
inventing the scorpion kick", a clearance where the keeper jumps forward, arches his legs over his head and in doing "so, kicks the ball away with his heels.
Benetan jokalari txarrak ditu aurten errealak lehen zatitik hasita entrenaitzaileak Bravo atezaina faltak jaurtitzen ipini behar badu.
Bestalde Higuitak edo Bravok faltaz sartutako golei baino merito handiagoa ikusten diet Garmendia atezainak sartutako golari, atetik-atera sartutako gola, edo Palop atezain Valentziarrak UEFAn azken minutuan buruz sartutako golari.
Aurreko eguneko hanka sartze itzelaren ostean suposatzen dot Bravok holako zeozer behar ebala zaleekin berradiskidetzeko. Oso ondo eginda eta oso ondo sartuta.
Antza, polemika piztu dabe kazetari batzuk gol hau dala-eta, batek daki zergaitik. Taldeak galtzen badau, galtzen daualako, bardintzen badau, bardindu besterik ez daualako egiten, eta irabazten badau, lupa sartzen akatsak ikusteko.
Ezin gara erlaxatu eta disfrutau? (Batzuk ezin dabe, bistan da).
Sustatun futbol partiden kronika? WTF?