Estatu Batuetako eta agian munduko telebista iragarki garestienak Super Bowl futbol amerikarreko finaleko tarteetan ematen dituztenak dira. Aurten emandako iragarki teknologikoen aukera duzue hemen. Lehenik eta behin, Beyoncé-ren Aldeko Taldearen omenez, Vizio:
Vizio delakoa, Internet integratuta daukan definizio handiko telebista bat da. Iragarkian ez bakarrik Beyoncé, Interneteko beste zenbait meme-tako protagonistak ageri dira.
Honako hau Motorola Blur edo Motoblur delako sistemarena da. Hemen ere izter luzeak protagonista, kasu honetan Megan Fox aktorearenak.
Motoblur Motorolak prestatutako sare-zerbitzu edo interfaze bat da. Berez, honetarako gaitutako telefonoak ematen du Android-ekin dabiltzala, baina beren funtzio sozialak Motoblur delako ingurune horretan garatzen dira.
Honako hau, berriz, EA Games jokoen konpainiaren produktu bat, Dante's Inferno:
Cars.com AEBetan autoa erosteko garaian informazioarekin laguntzen dizun webgune bat da. Hauek ere jarri dute iragarkia:
Eta webguneen artean, munduko bisitatuenak, Googlek, jarri du iragarkia halaber. Baina kasu honetan, Super Bowl-en ematen dituzten gehienak ez bezala, ez da apropos ekitaldirako prestatu den iragarkia: duela bi hilabetekoa da, eta eman izan duten AEBetako telebistetan.
Iragarki gehiago ere izan da. Hemen duzue zerrenda osoa.
Super Bowl-eko jokoari dagokionez, New Orlenas Saints gailendu dira bart jokatutako finalean.
Erantzun
Sartu