Elhuyar Aholkularitza, ate berriak zabaltzen
Bilbo Handian euskararen normalizazioaren, aukera berdintasunaren eta herritarren parte-hartzearen ateak irekitzen lagundu nahi dugu Leioatik. Usurbilen hasi genuen bidea, Elhuyar Fundazioaren egoitzan. Bidea eginez, Durangon aurkitu genuen ibilbideko bigarren aterpea. Orain, Bilbo Handira iritsi da Elhuyar Aholkularitza eta Leioan ireki ditugu bulego berriaren ateak.
Handik Bilbo Handian euskararen normalizazioaren, gizon eta emakumeen arteko aukera berdintasunaren eta herritarren parte-hartzearen ateak irekitzen lagundu nahi dugu. Horretarako, ohi bezala parte hartzeko metodologian oinarrituko gara, hori baita eraldaketaren giltza.
Leioako bulego berria eta gu geu ezagutzeko hitzordua jarri dugu ostegun honetan, otsailaren 4an. Leioako Estartetxe kaleko 5.enean aurkituko gaituzu, Ikea eraikinean. 12:00etan hasiko da ekitaldia, 1. solairuko zabalgunean. Ondoren bulegoa ikusi eta mokadutxo bat jateko aukera izango duzu.
Erantzunak
Bat nator Xiberregaz, ez dagoela esaterik Bilbo Handia, " gran Bilbao"ren zuzeneko itzulpena izan arren. Akatsa horren izendapenean dago Nozbait, iragan sasoitan, Txorierriko udalerriak "jan" eta Bilbao handia egin zaneko garaietan, eta zuzena da Uribe aldea. Berez, guztira 23 udalerri,
http://www.uribetur.com/uribe/es euskeraz linka agertu arren, gaztelaniaz ageri da.
hemen zuzenago, ziren, diren guztiak, http://www.euskomedia.org/aunamendi/99966
Horren barruan gaur egun beste izendapen batzuk direla, Uribe-Kosta, Mungialdea, barriagoak, funtzionaltasunari begira.
Bidez batez, Iparrekialderago Busturialdea dago Oka ibaiaren, itsasdarraren inguruan, basurdeen eremuan.
Besterik da Bilbao metropoli-ingurua, eremua.
Uribe
Ez dute Bilboko egoitza ireki, Bilbori zerbitzua emango dion egoitza baizik.
Bilbo Handiaren (...) lagundu nahi dugu Leioatik
Ondo edo gaizki ikus dezakegu Bilbo Handiari zerbitzu emango dion bulegoa irekitzea Leioan. Baina uste dut ez diotela Leioari Bilbo Handia izendapena eman. ;-)
Bilbo Handia, Bilboko metropoli-eremua... izen kontuak nire ustez. Zertan dira desberdinak soziologikoki Leioa eta Bilboko auzo berrietako bat, esaterako?
Bestalde, "giputzak" datozkigula, zertan eta geure diruen bila? Zer da hori? Bizkaitarrok ezin dugu Gipuzkoan lan egin? Eta alderantziz? Eta herri ikuspegia?
Bilbo Handia? Bilbo Aldea? Ez bata ez bestea, Leioa ez da egundo egon frankismoaren denboran inbentatu zuten herri pillo horretan. Erandio bai, baina Leioa aspaldi banandu zen Erandiotik.1526.arte Leioa Erandioko auzo bat izan zen eta lau baseliza izan zituen: Ondiz, Peruri, Santimami eta Elexaldekoak. Azkeneko honi, San Juan Baustistari dedikatua egon zenari, parrokia izendatu zioten orduko Arziprestek. Hortik aurreratzean Anteiglesia edo bihurtu zen, hau da, sakramentuetako diruak hantxe bertan geratzen ziren Erandioko Santa Mariaren apaizekana joan barik. Hori diote sikeran historiagileek. Neu, edadekoa izan arren, eznaiz gogoratzen...
Garai batean Bilbo ingurukook ez genuen onartzen inondik inora Bilbo Handia izendapena. Eta orain ematen du zilegia dela. Sentitzen dut baina Elhuyarrek ez du ireki bulegoa Bilbo Handian, Leioan baizik, hau da, Uribe Kostan.
Izan ere, Bilbo Handia izenak batzuoi oroitzapen txarrak dakarzkigu. Bilbo da erdigunea, eta inguruko herriek Bilbora begira bizi behar dute, kultural, sozial zein ekonomikoki. Eta, horrez gain, herri batzuk bihurtu behar dira zaborrontzi, beste batzuetan aireportua jarri, beste batean merkatua, hurrengoan kartzela, bestean hilerria, hurrengoan industria zikinak, ...