EHUko komunikazio ikasleen praktikak gehien ordaintzen dituen enpresa da Argia
EHUko Gizarte eta Komunikazio Zientzien Fakultateak enpresa zerrenda bat publikatu du, bere ikasleei praktikak egiteko eskaintza bat, eta bertan zehazten da enpresa bakoitzak ikasleei ematen dien ordainsaria. Gehienek ez dute informazio hori ematen, baina ematen duten guztien artean, Argia da gehien ordaintzen duena: 310 euro hilean.
Argia aldizkarian eta argia.com atarian (Komunikazioa Biziago enpresan) praktikak egiten duten ikasleek jasoko dute, printzipioz, ordainsari handiena. Astean 20 orduko praktikak dira (4 ordu egunero, arratsaldez). 3,5 euro orduko, gutxi gora behera, honako lana egiteagatik:
- Erreportaje eta maketazio lanak QuarkXPress-ekin
- Argazki eta dokumentuen kudeaketa
- Erreportaje eta elkarrizketak
Datu hauek EHUren Leioako kanpuseko komunikazio ikasleei eskeini zaizkien aukerak dira, honako hiru lizentziaturetan:
- Kazetaritza
- Ikusentzunezko Komunikazioa
- Publizitatea eta Harreman Publikoak
Lizentziatura hauetako ikasleentzat argirataratutako aukeren zerrendatik hartu dugu informazioa eta titularrera eraman, baina gerta liteke beste enpresa batek gehiago ordaintzea. Izan ere, berez, enpresek ez dituzte zertan ikasleen praktikak ordaindu, ikasketa prozesuaren parte kontsideratzen baitira. Praktika orduen truke aukera askeko kredituak eskuratzen dituzte ikasleek.
Zerrenda honetan enpresa askok ez dute ordainsaririk zehaztu, baina gerta liteke gero gehiago ordaintzea. Aldez aurretik eskaintza diruz zenbatzen dutenen artean diru kantitate handiena eskeintzen duena da Argia. Aurkeztutako enpresen zerrenda osoa ekarri dugu hona, scribd erabiliz:
09/10eko Bigarren Lauhilekorako Enpresak / Empresas Segundo
eta agian gehien irakatsiko duena ere izango da Argia...
Egia da ikasleak diruz estu ibiltzen direla, egia da praktikak egiten dituzunean, kazetari baten lan antzekoa egiten duzunean, gustoko duzula diru apur bat irabaztea, baina egia da ere, leku batzuetan praktikak sinatu bai egiten dizkizutela, baina benetan jardunaren inguruko ezagupen gutxi direla lortzen direnak...