Joxe Mari Agirretxek, "Porrotx", guraso gisa hitz egin du Hezkuntza Deialdiko Batzar Irekian egingo dena iragartzeko agerraldian. Bertan gurasoek dituzten trabak aipatu ditu eta Batzar Irekian parte hartzeko deia luzatu du.
Azken hilabeteotan hezkuntza oso presente egon da herritar guztion egunerokoan, hedabideetan bolo-bolo egon delako, alderdi politikoen eztabaidetan gai izar bilakatu delako edo zeharka hainbat gaiekin (aldaketa klimatikoa, genero indarkeria, krisi ekonomikoa...) duen harreman zuzena plazaratu izan delako.
Euskal Herriak Bere Eskolak egoerari buelta emateko Hezkuntza Deialdia luzatu du, lehenengo hitzordua larunbata honetan jarri duelarik: Batzar Irekia. Donostiako Ernest Lluchen izango da, goizeko 9:30etatik hasita, eta helburua hezkuntzako egoerari buelta eman eta aurrera begira mobilizazio eta antolaketa molde berriak adostea izango da.
Erantzun
Sartu