Teknologia albisteak

Hallelujahren bertsioak

Gari Araolaza

2010-01-07 : 15:01

Gabonetan YouTuben denborapasa nenbilela iritsi naiz aspaldiko kantu eder hau entzutera eta konturatu naiz zenbat bertsio eder dauden inguruan. Hallelujah Wikipedian . Hemen nire TOP 5 pertsonala. Hasteko orijinala, Leonard Cohenena.

Top 5 Rufus Wainwright

Shrek filmarako Rufus Wainwrightek grabatu zuen. Hemen irlandako telebistako programa batetan grabatutako bertsioa.

Top 4 K.D. Lang

Emakume indartsua. Kantariak bertsio dramatikoa egiten du, intentsitate igoera eta jeitsiera askorekin.

Top 3 Sheryl Crow

Bertsio eztia, xuabe-xuabe kantatzen du Sherylek.

Top 2 John Cale

John Calek kantuari bide berri bat ireki zion, eta berak eragin zion gehien nire bertsio maiteenari: Jeff Buckleyren bertsioari.

Top 1 Jeff Buckley

Bertsio politena ezin da YouTubetik hona ekarri, han entzun beharko duzue. Hallelujah (Jeff Buckley)

Baina klik egiteko nagi sentitzen bazarete, hemen duzue bideo gabeko estudioko bertsio orijinala. Lehenengo aldiz entzun nuenetik nire gustokoena izan dena.

Erantzunak

fanboy

2010-01-07 : 17:09

MobyDikek bebai egiten du bertsio ona...

indezent

2010-01-07 : 19:43

Handia da Moby Dick bai, lehen aldiz entzun nuenean ezin nuen sinestu euskalduna zenik!

Hala ere, Jeff Buckleyren bertsioa izugarria da. Niri, jatorrizko bertsioa baino gehiago gustatzen zait eta hori, oso gutxitan pasatzen da.

Horrelako beste TOP bat egin daiteke MC5en Kick out the Jam kantuarekin. Jarri youtuben eta harrituta geratuko zarete zenbat taldek bertsionatu duten... (Jeff bucley barne!)

Demonocrazy

2010-01-07 : 20:17

Guztiz ados nago lehen postuarekin. Gainera kantu horri 'Grace'diska osoa gehitzen badiogu, datozen egun hotz elurtsuetarako musika ezin aproposagoa.

peio

2010-01-08 : 09:57

Erabat ados lehen postuarekin. Dylan-en 'All Along the Watchtower'ekin ere sekulako zerrenda egin daiteke.

Pello

2010-01-08 : 10:09

Badago Hallelujah beste abesti bat U2-rena ez dena oso ezaguna. Ongi dago ere bai, eta martxa bizia dauka. Woody Guthri-ri eginiko diska-omenaldi batean agertzen da.

Indezentekin ados, Jeff Buckleyrena izugarria da.

indezent

2010-01-08 : 13:16

Gogoratu dut garai batean egin nuela Kick Out The Jam-en bertsio bilduma. Lastima Jeff Buckleyrena ezabatu duten. Diskografika madarikatuak...

http://www.blogak.com/theindezents/kick-out-the-jams-edo-denboraz-gaindiko-ohiua

Xabier Eskisabel

2010-01-08 : 14:19

Biniloan bikain entzuten da...

http://www.blogak.com/xa2er/jeff-buckley-hil-zela-hamar-urte

Iban Zaldua

2010-01-08 : 14:46

Ni klasikoagoa naiz, sentitzen dut: John Calerenaren alde.

Xabier Gantzarain

2010-01-08 : 20:13

Niri Enrique Morente eta Lagartija Nick-ena ere asko gustatzen zait, Omega diskokoa.

Burke&Hare

2010-01-13 : 20:48

Ados nago Top 1ekin, bainan badago emakume ahotsarekin izugarrizko bertsioa, Elisa Toffoli italiarrarena (http://www.elisatoffoli.com/).

http://www.youtube.com/watch?v=1VUixW-IBak

Goio Arana

2010-02-17 : 23:29

k.d. Lang kantariak egin du Hallelujahren azken bertsioa Vancouvereko neguko olinpiar jokoetako inaugurazio ekitaldian. Ederra moldaketa!