Teknologia albisteak
Kirola, kultura eta artearen bidezko aldarrikapenak egingo dituzte Donostiako Belodromoan
Sustatu
2009-12-18 : 11:12
EAE, Nafarroa eta Ipar Euskal Herriko kirolariek Kirolhaerria izeneko ekitaldia antolatu dute abenduaren 27rako. Egun horretan kirola, kultura eta artea uztartuko dituzte Euskal Selekzioen ofizialtasuna eskatuz.
Besteak beste, honako bitxikeria hauek egingo dituzte:
- Koldobika Jauregi artistak bereziki diseinatutako harriarekin arituko dira harrijasotzaileak
- Irati Anda eta Gorka Karapeto eskalatzaileek belodromoko egitura eskalatzeko ahalegina egingo dute
- Aizkolariak eta trontzalariak txalaparta soinuen erritmoan egingo dute lana
- Sokatira eta arraun ekitaldi bereziak izango dira...
Arritxu Iribar eta Xabier Usabiagak aurkeztuko dute saioa, eta bertan Euskal Herriko Bertsolari Txapelketako finalisten bertsoak entzuteko modua ere izango da. 18:00etan hasiko da, eta sarrera dohan izango da.
Harria eta herria hitzekin joko eginez, Kirolhærria jarri diote izena ekimen honi. A eta E letrak batzen dituen zeinua ez baduzu asmatzen zure teklatuan, HTML kodean honela adierazten ahal da:
Zerrenda honetan lortu dugu.