Alokatu oilo bat, eta ematen dizkizun arrautzak zeuretzat
Etxetik irten gabe arrautza freskoak izateko sistema bat modan jartzen ari den tendentzia bat da: oiloa alokatu, zaindu, eta ematen dizkizun arrautza guztiak zuretzat. Nafarroako enpresa batek hilero 63 euroko prezioan eskeintzen du zerbitzua.
Oiloaz gain, beste hainbat zerbitzu eskeintzen dituzte prezio horren baitan. 63 euroko prezioan hauek daude barne:
- Kaiola
- Oiloa
- Janaria
- Lastoa
- Janariarentzako aska
Oiloa alokairuan hartu eta zaindu ondoren, aukera dago itzultzeko, alokairua mantentzeko edo pakete osoa erosteko 168 euroan.
Zeuk kontrolatuko duzu zer jaten duen oiloak, eta hortaz zure esku dago bere arrautzen kalitetea. Gainera, probatu dezakezu behin-betiko konpromisorik gabe.
Erantzunak
Izugarria iruditzen zait, bai prezio aldetik eta baita oiloaren bizi baldintzengatik ere.
Badakizue zenbat arrautza jartzen dituen oilo batek? Eguraldi onarekin, 14 eguzki-ordurekin eta baldintza onenetan, egunero arrautza bat. 30 arrautza (kasurik onenean) 63 euro?
25kg pentsu ekologiko 14 dira eta oilo bakoitzak +/-150gramo jaten ditu egunean. Atera kontuak, izugarria!!!
Gainera zenbat leku dauka egoteko? Ze bizitza da hori oilo batentzat? Gainera animalia alokatu? Bi/ hiru urteren buruan oiloek ez dute egunero arrautzarik egiten, gero nora doaz animalia horiek?
Bakoitzak ahal duenarekin egiten du negozioa eta bakoitzak nahi duenean gastatzen du dirua, baina...animaliak alokatu!!!
WTF!