Euskal nortasunaren aurkako gurutzada

EITBren ikuspegi aldaketak

Maparekin hasi zirenean hautsak harrotu baziren ere, gogotik jarraitu dute aurkezleak aldatzeraino, euskal itxura zuten aurkezleak alboratuz adibidez. Ez da hemen geratu, berriak emateko eta sailkatzeko modua beti tendentziosoa izan bada ere, orain are nabarmenago jokatzen ari dira.

Adibidez, N1 errepidean Iruñea, Gasteiz eta Irungo norabidean gertatzen ziren istripuak, aspaldian Madril edo Frantziarako norabidetan gertatzen dira.

Espainiar banderak non nahi

Aurrez legebiltzarrean eta hainbat udaletan inposatu bazituzten ere, jada, naturaltasunez Eusko Jaurlaritzaren sinboloetako bat bailitzan darabilte EAEn. Agerraldietan, Ajuriaenean,… Euskal Herria izena eta izana

EAJ-k Euskal Herriko futbol selekzioari izena aldatu nahi izan zionetik denetik entzun behar izan dugu.

EAEko PP-k Euskal Herria entitate kultural bat dela esaten du. Aldiz UPN-k Nafarroaren izate bereziari eraso egiten diola eta ezabatu egin behar dela, hori bai denak ados jartzen dira ez dela existitzen adieraztean.

Aurten ere Euskal Herriko Futbolariak gabonetan jokatu gabe geratuko dira. Baina ez daude geldirik, KIROLHARRIA finkatuko dute abenduaren 27an Donostiako Belodromoan.

Zita garrantzitsua izango da Euskal Herriko Selekzioak izateko lehenik, Euskal Herri osoko kirol federazioak behar ditugula uste dugunontzat.

Nola osatu bestela kirol selekzioa kirolariak banaturik baditugu?

Abenduak 6 - Espainiar konstituzioaren eguna

Euskal Herriaren ukazioa ospatzen dute, jai egun arrotz honen sortzaileek.

Una grande y libre aldarrikatzen dutenek, Espainiak ongi loturik jarraitzen duela aldarrikatzen dute.

Euskal Herrian ez dugu ezer ospatzeko.