35 atxilotu, Segiren aurkako operazioan
"Azken urteetako polizia operazio handiena" da EITBren arabera, operazioan 70 etxebizitza, gaztetxe, sozietate eta taberna baino gehiago miatu baitituzte EITBren arabera. Berrian 40 miaketa inguru aipatzen dituzte.
Barne Ministerioaren arabera 34 lagun atxilotu dituzte eta Segiren zuzendaritza desegin dute eta 92 miaketa egin dituzte Hegoaldean. Beste lagun bat atxilotu du Frantziako Poliziak Iparraldean.
Askatasunaren Aldeko Mugimenduak jakinarazitako atxilotutakoen zerrenda eman du Berriak, saiatu gara informazio hori Askatu.org webgunean ote dagoen begiratzen, baina ez dugu sartzea lortu.
Bestalde, Oarsoaldeako Hitzak dioenez, beste etxebizitza bat miatzen ari dira orain.
Erantzunak
Hamar atxilotu Gipuzkoan... baina duela 2 urte desegin zuten Segiren Gipuzkoako zuzendaritza!
Bulegorako umore grafikoari buruzko artikulu hori datorkit gogora, ETAren estruktura erakusten duen grafika hura... atxilotuak beti dira liderrak, sekula "baseko jendea".
Badakigu nortzuk ordainduko duten Alakranaren erreskatea..
Oraingoz 34 doaz, beste 4 gehiagorekin bakoitzari hemendik hilabete batzuetara 60.000 euroko fiantza jarri eta tatxan! Euskaldunak, euskaldunak askatzeko ordaintzen, zeinek ordaindu behar zuen bestela!
38 x 60.000 = 2.280.000 <> 2,3 milioi euro
Tristea, iraingarria benetan...
Bakearen izenean. Ezker abertzaleak aurrerapauso bat egin, tunelaren bukaera ikusi eta orduan dator golpea. Inkomunikazioa, tortura, giza eskubideetatik at dauden akzioak funtsean. Noiz arte onartu behar ditugu horrelako akzioak? Noiz edukiko dugu, aske, bakean bizitzeko aukera?
Nire fakultateko pertsona bat atxilotu dute, hemen HUHEZIko zuzendaritza kontseiluaren prentsa-oharra
Zenbat guraso egonezinean egongo dira? zenbat lagun eta adiskide? Orain ezker abertzaleak ETAri kitto esan dionean zertara dator hau? zer egingo dute PNVko agintariek, epelekerietan jarraitu?
Bitartean agintaritza ofizialak PP eta bere Vocento bozgailua "cachorros" "captura" ...burmuinetan beldurra eta ezinegona zabaltzen EITBk lagunduta.
Legeen barruan dena posible sinatu zuten hainbat euskal "intelektualek" orain dela urte batzuk, bai eta 1942 urtean Alemanian juduak "garbitzea" (izen hori jarri du Marlaska bilbotarrak) ere legezkoa zen. Non daude guzti hoiek?