Euskararen Nazioarteko Eguna: aurten 60 urte
1949tik Euskararen Nazioarteko Egunaren bultzatzaile den Eusko Ikaskuntzak Kukuxumusurekin bat egin du, sare sozialetan euskara erabiltzera bultzatuz, abenduaren 3ko festa ospatzeko. Kukuxumusu markak egun horretarako kamiseta bat diseinatu du, www.eusko-ikaskuntza.org/ene/ blogean ekarpenak uzten dituzten parte-hartzaileen artean banatuko dena.
Euskararen Nazioarteko Egunaren (ENE) 60. urteurrena dela eta, abenduaren 3an, Eusko Ikaskuntzak -1949ean egun honi ekin zionak- gaur Donostian emandako prentsaurrekoan aurkeztu diren euskara sustatzeko zenbait jarduera prestatu ditu.
Aurtengo edizioaren helburua Interneten sortutako sare sozial berrietan euskararen erabilera bultzatzea da. Horretarako, Klik egiozu euskarari lemapean, blog bat egokitu da atxikimenduak jasotzeko. Kukuxumusu markak egun horretarako kamiseta bat diseinatu du, blogean ekarpenak uzten dituzten parte-hartzaileen artean banatuko dena.
Eta 2006tik urtero egiten den bezala, ENE SARIAk euskara sustatzeko atzerrian egindako erakunde baten zabalkunde eta sorkuntza lana sarituko da.
Erantzun
Sartu